Cənubi koreya mərkəzli texnologiya nəhəngi Samsung yeni ildə məhsuldan süni intellekt infrastrukturunu Galaxy seriyasına gətirməyi planlaşdırır. Bildiyimiz kimi, Samsung yeni Galaxy S24 modellərini yeni ilin ilk rübündə təqdim edəcək. İndiyə qədər bu cihazın dizaynı və hansı çipsetə sahib olacağı bizlərə məlum olmuşdu. İndi isə məlum olub ki, texnologiya nəhəngi yeni flaqman cihazına məhsuldar süni intellekt infrastrukturu gətirəcək. Yəni 2024-cü ilin əvvəlinə təqdim ediləcək yeni Galaxy S24 yalnız yüksək performansı, keyfiyyətli kamerası ilə deyil, məhsuldar süni intellekt alətlərinə görə də fərqlənəcək.
Beləliklə iddalar doğru olarsa, yeni Galaxy S24 modeli indiyə qədər təqdim edilmiş ən güclü Galaxy cihazı olacaq. Qeyd edək ki, Samsung Galaxy S24 seriyasına gətirəcəyi süni intellekt infrastrukturu ilə smartfonlarına xüsusi fürsətlər də əlav edəcək. Belə ki, ChatGPT, Google Bard və digər çatbotlarda olan bir çox xüsusiyyət məhz smartfonların daxili xüsusiyyətlərindən birinə çevriləcək. Artıq Galaxy S24 cihazlarında internet ehtiyacı olmadan süni intellekt alətlərindən yaranmaq mümkün olacaq.
Qeyd edək ki, Samsung Galaxy S24 smartfonu qlobal bazarda iki fərqli çipset ilə təqdim ediləcək. Bunlar isə müvafiq olaraq Exynos 2400 və Snapdragon 8 Gen 3 çipsetləridir. Seriyaya Galaxy S24 Ultra, S24 Plus və S24 modelləri aid ediləcək. Həmçinin, Galaxy S24 modelinin 6.2 düymlük FHD+ təsvir ölçülü ekran paneli 120 Hz ekran tezliyinə sahib olacaq. Həmçinin Galaxy S24 Plus modelinin 6.7 düymlük WQHD+ təsvir ölçülü ekran paneli 120 hz ekran tezliyinə sahib olacaq. Galaxy S24 Ultra modeli isə 6.8 düymlük WQHD+ təsvir ölçülü ekran panelinə sahib olacaq.
