Google bu dəfə yeni və daha maraqlı .ing, .meme domenlərini illik 130 min dollara qədər rekord qiymətə satışa çıxarır. Ümumiyyətlə hazırda Google platformasına bir çox maraqlı və fərqli domenlər mövcuddur. Əsasən bu domenlər şirkət və təşkilatların maraq dairəsinə aid olunur. Yeni domenlər də məhz şirkətlərin, təşkilatların diqqətini cəlb edəcək. Artıq şirkətlər öz rəsmi veb saytlarının sonuna .ing və .meme kimi diqqətcəlbedici domelər əlavə edə biləcək. Qeyd edək ki, artıq bu domenləri əvvəlcədən rezerv etmək mümkündür.
Kristina Yeh öz bloqunda bildirib ki, yeni Google domenləri .ing və .meme əlavə bir aylıq ödəniş etməklə əvvəlcədən rezerv edilə bilir. Bu ödəniş dekabr ayının 5-qədər hər gün azalacaq. Həmin gün saat 8 də isə .ing domeni rəsmi olaraq ictimaiyyətə təqdim ediləcək. Maraqlısı budur ki, bu domenlər hazırda 38999.99$ və 129999.99$ kimi rekord qiymətdə satışa çıxıb. Qeyd edək ki, rekord qiymətə satışa çıxacaq .meme domeni hələ noyabrın 28-də rezerv olunacaq. Gələn ilin iyul ayında isə bu domen də öz növbəsində ictimaiyyətə təqdim ediləcək.
Google daha əvvəldə belə rekord qiymətlərdə domenləri istifadəyə verib. Burada əsas məqsəd şirkətlərin öz məhsullarını və saytlarını cəlbedici etməsidir. Təbii ki, məhz bu vəziyyət Google şirkətinin də illik böyük məbləğlərdə gəlir əldə etməsinə imkan verir. Hazırda Google-da minlərlə domen adı mövcuddur. Hər bir domen adı isə illik ödəniş qarşılığında istifadə olunur. Google şirkəti hər il olduğu kimi bu il də öz gəlirlərini domen adları vasitəsi ilə artırır.
