iPhone modellərini şarj başlığı olmadan sataraq daha çox gəlir əldə etmək istəyən Apple bu dəfə inanılmaz səhvə yol verib. Belə ki, Apple ABŞ-da bir adama yanlışlıqla 60 ədəd və ya 3 qutu iPhone 15 Pro Max göndərib. Qeyd edək ki, hadisə 2 gün əvvəl tiktok platformasında paylaşılan video ilə gündəm olub. “legends_gio” ləqəbli TikTok istifadəçisi öz səhifəsində çox maraqlı bir video paylaşıb. O bildirib ki, sentyabr ayında sifariş etdiyi 4 iPhone əvəzinə Apple ona 3 qutu iPhone göndərib. Maraqlısı budur ki, bu qutuların hər birində 20 ədəd tamamilə yeni iPhone 15 Pro Max mövcuddur.
Qeyd edək ki, xəbərin qəhrəmanı Apple şirkətinin tədbirindən sonra özünə və dostlarına iPhoen 15 Pro Max sifariş etməyi qərarlaşdırır. Belə ki, o, dostları üçün 3 ədəd 256GB yaddaş həcminə sahib iPhone 15 Pro Max, özü üçün isə 1TB yaddaşa malik iPhone 15 Pro Max sifariş edir. Birbaşa olaraq Apple şirkətinin saytından sifariş verən qəhrəmanımız ötən günlərdə gəlib çatan sifarişini qəbul etdikdə inanılmaz mənzərə ilə qarşılaşıb. Belə ki o, 4 iPhone əvəzinə bir anda 60 ədəd Apple şirkətinin flaqman iPhone 15 Pro Max modelinə sahib olub. Söhbət burasındadır ki, qəhrəmanımız 4 ədəd iPhone 15 Pro Max sifariçi üçün yalnız 3600 dollar xərcləmişdi. Yəni o, 3600 dollara 60 ədəd təxmini dəyəri 96 min dollar olan iPhone 15 Pro Max smartfonlarına sahib olub.
İndi hərkəsi maraqlandıran əsas sual odur kİ, inanılmaz hadisə ilə qarşılaşan qəhrəmanımız bu iPhone-lar ilə nə edəcək? Bir çoxları onun bütün bu iPhone modellərinin qaytarmağa məcbur olduğunu düşünə bilər. Lakin ABŞ qanunlarına görə, şəxs yanlışlıqla əldə etdiyi məhsulu tədarükçüyə yəni satıcıya geri qaytarmaq məcburiyyətində deyil. Həmçinin ABŞ qanunlarına görə belə bir hüquqi öhdəlik də mövcud deyil. Bununla belə, Apple şirkəti sosial mediada bir anda gündəm olan bu inanılmaz hadisədən sonra 96 min dollarından imtina edərək, bütün cihazlarını asanlıqla sıradan çıxara bilər. Yekun olaraq deyə bilərik ki, Apple 96 min dollarlıq xətaya yol verib.
