Ötən axşam Galaxy S23 seriyası təqdim edildi və cihazlarla bağlı detalları elə təqdimat məqaləmizdə sizlərlə bölüşdük. Belə ki, ötən gün keçirilən Galaxy Unpacked tədbirinin digər bir diqqət çəkən məhsulu Macbook Pro seriyasına rəqib olan model sahib Galaxy Book 3 seriyası idi. Samsung şirkəti dünyanın ən keyfiyyətli AMOLED ekranlarından birinə sahib Galaxy Boook 3 Ultra və o cümlədən Galaxy Book 3 Pro modellərini nümayiş etdirdi. Gəlin, Galaxy Book 3 seriyasına aid notbuklarının nələr gətirdiyinə nəzər salaq.
Samsung Galaxy Book 3 Ultra modeli hansı xüsusiyyətlərə sahibdir?
Galaxy Book 3 Ultra modelinin birbaşa Macbook Pro seriyasına rəqib olmasında müxtəlif səbəblər var. Onlardan biri notbukun olduqca erqonomik olmasıdır. Çəkisi sadəcə 1,79 kq olan bu noutbuk daşınmanı olduqca asanlaşdırır. Lakin eyni zamanda Macbook Pro rəqibi olmaq üçün yüksək performans da ortaya qoyur. Təbii ki, bunu da yeni nəsil Intel Core i9 prosessoru və GeForce RTX 4070 ekran kartı hesabına bacarır.
Detallarından bəhs etsək Galaxy Book 3 seriyası daxilində Ultra modeli Intel Core i9-13900H prosessoru ilə təchiz edilib. “H” sonluğu isə Intel 13-cü nəsil mobil prosessorları təqdimatından xatırladığımız kimi 45 vatt prosessor olduğuna işarə edir. Notbukdakı qrafik kartı GeForce RTX 4070 olduğundan deyə bilərik ki, Galaxy Book 3 Ultra qrafik performans baxımından M2 Max prosessorlu 16 düymlük MacBook Pro modelindən daha sürətli ola bilər.
Lakin daha münasib qiymətə Core i7 prosessorlu və GeForce RTX 4050 qrafik kartına malik variantını da əldə edə bilərsiniz. 8 GB VRAM, 32 GB LPDDR5 RAM və 1 TB-a qədər PCIe 4.0 NVMe SSD dəstəyi mövcuddur. Əlavə olaraq ikinci bir M.2 SSD və MicroSD yuvasına sahibdir. Xüsusilə belə bir dar gövdə daxilində ekran kartı və prosessorun necə soyudulacağı maraq doğurur.
WQXGA+ təsvir ölçülü (2880×1800 piksel) 48-120Hz aktiv yeniləmə tezliyi və 400 nit parlaqlıq ilə 16 düymlük Dynamic AMOLED 2X ekran paneli ilə təchiz edilib. Onu da qeyd edək ki, bu ekran HDR görüntünü 500 nit parlaqlıqda göstərməyi bacarır. Samsung şirkətinin bildirdiyinə görə, məhsul həmçinin DCI-P3 rəng qamutunun 120%-ni əhatə edir. Galaxy Book 3 seriyası daxilində Pro modeldən fərqli olaraq bu cihazın ekranı sensor dəstəyinə malik deyil.
Galaxy Book 3 Ultra səs ucaldanlarla bağlı AKG texnologiyalarından yararlanıb. Noutbukda 2ədəd 2 vattlıq tviter və 2 ədəd 5 vattlıq voofer səs gücləndiricilər var. Şirkət eyni zamanda mikrofon tərəfində də, noutbukun adətən studia keyfiyyətində 4 kanaldan səs yazıları qeydə ala bildiyini vurğulayır. Wi-Fi 6E, Bluetooth 5.1, 2 ədəd Thunderbolt 4, 1 ədəd USB 3.2 Type-A, 1 ədəd HDMI 1.4 portu və 3,5 mm qulaqlıq yuvası var. 100W sürətli şarj dəstəkli notbukun qalınlığı 16,5 mm təşkil edir.
Notbukun başlanğıc qiymətin gəldikdə isə Galaxy Book 3 Ultra modelini əldə etmək üçün 2399 dollar ödəməlisiniz. Əgər ən güclü variantını almaq istəsəniz təchizatdan aslı olaraq qiymət xeyli arta bilər.
Samsung Galaxy Book 3 Pro modeli hansı xüsusiyyətlərə sahibdir?
Galaxy Book 3 Pro modeli də həm texniki cəhətdən, həm istifadə məqsədləri cəhətdən, həm də qiymət cəhətdən Galaxy Book 3 seriyası daxilində Galaxy Book 3 Pro modelindən fərqlənir. 14 və 16 düymlük variantları olan Galaxy Book 3 Pro modeli Samsung smartfonlarında istifadə edilən Dynamic AMOLED 2X ekran panelinə malikdir.
Bu ekran 2880×1800 təsvir ölçüsünə və 120Hz yeniləmə sürətinə malikdir. Digər bir tərəfdən Galaxy Book 3 Pro adlı 16 düymlük tək variantlı bir modeli də vardır. Hansı ki, bu cihaz daxili S-Pen ilə də təchiz olunur və xüsusilə bu notbuku planşet kimi işlətmək istəyənlər üçün nəzərdə tutulub. Çünki, ekran 360 dərəcə arxaya fırlana bilir.
Texniki cəhətdən 13-cü nəsil Intel Core i5 və i7 prosessorları ilə alına bilər. Bu notbuklar üçün “P” seriyası 28 vattlıq versiya nəzərdə tutulub. Xarici ekran kartı mövcud deyil. 32GB RAM ve 1TB SSD quraşdırmaq mümkündür. Səs sistemi və.s Galaxy Book 3 Ultra ilə eynidir. Əvvəlki nəsillə müqayisədə alüminium gövdə almış cihazların sadə variantı 1449 dollardan, 360 dərəcə qatlanan variantı 1899 dollardan satışa çıxarılacaq.
