Vaxt o qədər tez keçir ki, artıq Intel şirkətinin 13-cü nəsil mobil prosessorları belə ötən gün CES 2023 sərgisi timsalına rəsmi olaraq anons edildi. Intel, dünyanın ən sürətli mobil prosessorı adını verdiyi Core i9-13980HX başda olmaqla 13-cü nəsil HX, H, P və U seriyasını qarşımıza çıxardı.
Biraz sadə dildə izah etsək HX, H, P və U sonluqları prosessorun minimum neçə vatt enerji sərf edərək verəcəyi performansı göstərir. Core i3, Core i5, Core i7, Core i9 kimi prossessorların sonluğunda yəqin ki, bu hərfləri görmüsünüz. Uyğun olaraq 13-cü nəsil mobil prosessorların baza variantında U seriyası rəsmi olaraq 15 vatt, P seriyası 28 vatt, H seriyası 45 vatt, HX seriyası isə 55 vatt gücə malikdir.
Bəlkə də bəzilərinizin ağlına eyni prosessorun bu cür müxtəlif variantlarına nə ehtiyac var sualı gələ bilər. Bilməlisiniz ki, mobil prosessorlar notbuklar üçün nəzərdə tutulub və notbuklar da müxtəlif çeşidlərə malikdirlər. Məsələn, bəziləri notbuku oyun üçün alırsa, həmin notbuka güclü soyutma sistemləri və.s quraşdırıldığı üçün ən yüksək performansı verən HX seriyası Core i9-13980HX quraşdırmaq olar. Lakin bəzi notbuklar oyun üçün nəzərdə tutulmur. Güclü soyutma sistemləri işlədilmir. Nəticədə həm qiymət biraz daha münasib olur, eyni zamanda iş mühitində enerji sərfiyyatının az olması, daşınmanın rahatlığı kimi xüsusiyyətləri özündə birləşdirir. Belə notbuklara isə P və ya U seriyası kimi aşağı gücə malik prosessorlar quraşdırılır.
Məqalənin sonundakı cədvəldə hər bir Intel 13-cü nəsil mobil prosessoru güc, tezlik, nüvə sayı kimi dəyərlərini qeyd edəcəyik. Lakin gəlin sadəcə dünyanın ən yüksək performanslı mobil prosessoru olan Core i9-13980HX barədə danışmağa başlayaq. Belə ki, Intel ilk dəfə mobil prosessorunu 24 nüvəli bir konfiqurasiyaya yüksəldir. Sələfi olan i9‑12900HX prosessoru bununla müqayisədə 16 nüvəli quruluşa malik idi.
Intel şirkətinin əlavə etdiyi 8 yeni nüvə isə enerji səmərəliliyi üçün nəzərdə tutulub. Ötən il 8 performans, 8 enerji səmərəliliyi üçün nüvə quraşdırılmışdı. Yüksək performans tələb edən hallarda 8 performans nüvəsi maksimum dərəcədə yetərli olsa da, ortalama performans tələb olunan hallarda 8 enerji səmərəliliyi nüvəsi biraz geri qalırdı. Artıq 13-cü nəsil Intel Core i9 prosessorları istənilən tələbə uyğun optimal nəticə göstərməyi bacaracaq.
Aydın məsələdir ki, nüvələrin sayının artması yekun performansın da artmasına ciddi təsir göstərir. 12-ci nəsil Core i9-12900HK ilə müqayisədə təkli nüvələrin performansı 11% artarkən, çoxlu nüvələrin performansı tam olaraq 49% artıb. Intel tərəfindən verilən məlumata görə bu mobil prosessor bir çox hallarda Ryzen 6000 və Apple M1 Max prosessorlarını da qabaqlayır. 13-cü nəsil Core i9-13980HX baza variantında 2.2 GHz tezliyə və 55 vatt gücə sahib olsa da, 157 vatt maksimum gücə qalxdıqda 5.6 GHz tezlikdə işləyir.
| Prosessor | Nüvələr CPU (performans / enerji səmərəli) | Baza variantında tezlik | Maksimum perfonsmda tezlik | GPU | Güc (Baza variantı TDP / Maksium MTP) |
|---|---|---|---|---|---|
| Core i9-13980HX | 24 (8/16) | 2.2 GHz | 5.6 GHz | 32 EU | 55 / 157W |
| Core i9-13950HX | 24 (8/16) | 2.2 GHz | 5.5 GHz | 32 EU | 55 / 157W |
| Core i9-13900HX | 24 (8/16) | 2.2 GHz | 5.4 GHz | 32 EU | 55 / 157W |
| Core i7-13850HX | 20 (8/12) | 2.1 GHz | 5.3 GHz | 32 EU | 55 / 157W |
| Core i7-13700HX | 16 (8/8) | 2.1 GHz | 5.0 GHz | 32 EU | 55 / 157W |
| Core i5-13650HX | 14 (6/8) | 2.6 GHz | 4.9 GHz | 16 EU | 55 / 157W |
| Core i5-13600HX | 14 (6/8) | 2.6 GHz | 4.8 GHz | 32 EU | 55 / 157W |
| Core i5-13500HX | 14 (6+8) | 2.5 GHz | 4.7 GHz | 16 EU | 55 / 157W |
| Core i3-13450HX | 10 (6+4) | 2.4 GHz | 4.6 GHz | 16 EU | 55 / 157W |
| Core i9-13900HK | 14 (6/8) | 2.6 GHz | 5.4 GHz | 96 EU | 45 / 115W |
| Core i9-13905H | 14 (6/8) | 2.6 GHz | 5.4 GHz | 96 EU | 45 / 115W |
| Core i9-13900H | 14 (6/8) | 2.6 GHz | 5.4 GHz | 96 EU | 45 / 115W |
| Core i7-13800H | 14 (6/8) | 2.5 GHz | 4.0 GHz | 96 EU | 45 / 115W |
| Core i7-13705H | 14 (6/8) | 2.4 GHz | 3.7 GHz | 96 EU | 45 / 115W |
| Core i7-13700H | 14 (6/8) | 2.4 GHz | 3.7 GHz | 96 EU | 45 / 115W |
| Core i7-13620H | 10 (6/4) | 2.4 GHz | 3.6 GHz | 64 EU | 45 / 115W |
| Core i5-13600H | 12 (4/8) | 2.8 GHz | 4.8 GHz | 80 EU | 45 / 95W |
| Core i5-13505H | 12 (4/8) | 2.6 GHz | 4.7 GHz | 80 EU | 45 / 95W |
| Core i5-13500H | 12 (4/8) | 2.6 GHz | 4.7 GHz | 80 EU | 45 / 95W |
| Core i5-13420H | 8 (4/4) | 2.1 GHz | 4.6 GHz | 48 EU | 45 / 95W |
| Core i7-1370P | 14 (6/8) | 1.9 GHz | 5.2 GHz | 96 EU | 28 / 64W |
| Core i7-1360P | 12 (4/8) | 2.2 GHz | 5.0 GHz | 96 EU | 28 / 64W |
| Core i5-1350P | 12 (4/8) | 1.9 GHz | 4.7 GHz | 80 EU | 28 / 64W |
| Core i5-1340P | 12 (4/8) | 1.9 GHz | 4.6 GHz | 80 EU | 28 / 64W |
| Core i7-1365U | 10 (2/8) | 1.8 GHz | 5.2 GHz | 96 EU | 15 / 55W |
| Core i7-1355U | 10 (2/8) | 1.7 GHz | 5.0 GHz | 96 EU | 15 / 55W |
| Core i5-1345U | 10 (2/8) | 1.6 GHz | 4.7 GHz | 80 EU | 15 / 55W |
| Core i5-1335U | 10 (2/8) | 1.3 GHz | 4.6 GHz | 80 EU | 15 / 55W |
| Core i5-1334U | 10 (2/8) | 1.3 GHz | 4.6 GHz | 80 EU | 15 / 55W |
| Core i5-1315U | 6 (2/4) | 1.2 GHz | 4.5 GHz | 64 EU | 15 / 55W |
| Core i5-1305U | 5 (1/4) | 1.6 GHz | 4.5 GHz | 64 EU | 15 / 55W |
| U300 | 5 (1/4) | 1.2 GHz | 4.4 GHz | 48 EU | 15 / 55W |
