Son zamanların ən çox danışılan smartfon modellərindən olan Redmi Note 14 seriyası yeni rekordu ilə gündəmdədir. Belə ki, seriyanın Note 14 Pro+ modeli rekord qıraraq bütün diqqətləri öz üzərinə cəlb edib.
Xiaomi-nin Redmi Note 14 Pro+ modeli 2024-cü ilin Android smartfon ilk həftə satışı rekordu ilə bazara sürətli bir giriş edib. Şikrət satış rəqəmləri ilə bağlı dəqiq məlumat paylaşmasa da, bu uğur istifadəçilərin qiymət-performans baxımından cəlbedici variant axtardığını və Note 14 Pro+-nun bu ehtiyacı ödəyə biləcəyini göstərir. Redmi Note seriyası həmişə sərfəli qiymətlərlə güclü funksiyalar təklif etməklə tanınıb və Note 14 Pro+ bu ənənəni davam etdirir.
Xüsusilə onun davamlılıq xüsusiyyətləri bu modelin populyarlığında mühüm rol oynayır. Xiaomi qeyd edir ki, Note 14 Pro seriyası toza və suya davamlılığı ilə seçilir və IP66, IP68 və IP69 sertifikatları ilə qoruma təmin edir. Smartfon təkcə suya və toza qarşı deyil, həm də yüksək təzyiqli su axınına tab gətirə bilir. Redmi Note 14 Pro+-un texniki xüsusiyyətləri də diqqəti çəkir. Belə ki, cihaz 6,67 düymlük əyri OLED ekranı ilə 3000 nit parlaqlıq təqdim edir və 1220 x 2712 təsvir ölçüsünə malikdir. Snapdragon 7s Gen 3 prosessoru ilə təchiz edilmiş cihaz 16 GB RAM və 512 GB yaddaş tutumu ilə gəlir. Kamera tərəfində isə smartfon 50 MP əsas kamera, 50 MP telefoto və 8 MP ultra geniş bucaqlı kamera sensorlarına sahib olub.
