Nvidia CEO-su Jensen Huang tək başına bütün Intel şirkətindən daha çox sərvətə malikdir. Tom’s Hardware-ə görə Huang-ın şəxsi sərvəti 109,2 milyard dollar, Intel-in bazar dəyəri isə hazırda 96 milyard dollar civarında qiymətləndirilir.
Süni intellekt ətrafında həyəcan və Nvidia-nın süni intellekt üçün GPU sürətləndiriciləri istehsalçısı kimi lider mövqeyi sayəsində şirkətin səhmləri təsirli gəlirlər əldə edib. Keçən iyun ayında Nvidia bazar dəyərinə görə dünyanın ən dəyərli şirkəti olmuşdu. Belə ki, səhmlər o vaxtdan rekord həddən artıq dəyərinin 10%-ni itirsə də, Apple, Microsoft, Alphabet (Google) və Amazon kimi texnologiya nəhəngləri ilə birlikdə yenə də ilk beş şirkətdən biridir. Nvidia-nın dəyərindəki yüksəliş şirkətdə birbaşa 75 milyondan çox səhmə və müxtəlif etimad və tərəfdaşlıqlar vasitəsilə 786 milyon səhmə sahib olan Huang-a böyük qazanc gətirib.
O, bu il 700 milyon dollar dəyərində səhm satsa da, bu, Nvidia-dakı səhmlərinin ümumi təxmini dəyərinin 100 milyard dollardan çox olması ilə müqayisədə okeanda bir damla kimi hesab oluna bilər. Bu, Huang’ı Forbes-in dünyanın ən varlı adamları siyahısında 11-ci yerə yüksəldib və onun ilk onluqda olması üçün 20 milyar dollar qalıb. Nvidia CEO-su xüsusilə GTC 2024 konfransından sonra digər əsas sənaye oyunçularının və məşhurlarının diqqətini çəkmişdi. Məsələn, Forbes siyahısında ilk iki yerdə olan Elon Musk və Larry Ellison ona süni intellekt üçün daha çox GPU tədarükü ilə bağlı müraciət etmişdi. Intel-ə gəlincə, şirkət süni intellekt bumundan öz xeyrinə istifadə edə bilməyib. Avqust ayında baş verən maliyyə böhranı səbəbindən bazar dəyəri əhəmiyyətli dərəcədə aşağı düşüb. Beləliklə, indi Nvidia CEO-su belə təkbaşına Intel şirkətini satın ala bilər.
