Xiaomi şirkətinin qlobal miqyasda satışa çıxmağa hazırladığı yeni Redmi Note 12 seriyası FCC sertifikasiya siyahısında görülüb. Beləliklə, Redmi Note 12, Redmi Note 12 Pro və Redmi Note 12 Pro+ modellərinin qlobal bazarda satışa gələcəyi məlum olub. Bu cihazlar FCC sertifikatları alındığı kimi satışa çıxarılsa, qarşıdan gələn Redmi Note 12 seriyası Çindəki təqdim edilən modellərlə demək olar eyni olacaq.
12 noyabr 2022-ci il tarixindən etibarən Redmi Note 12 seriyası Çin xarici bazarlar üçün rəsmiləşdirilməyə başlanıb. Bu cihazlar Qlobal və Hindistan bazarlarında mövcud olacaq. Sadə Redmi Note 12 smartfonunun model nömrəsi 22111317G olaraq qeyd edilib. Əlverişli qiymətə Snapdragon 4 Gen 1 çipseti ilə təchiz edilən smartfon Android 12 əsasında MIUI 13 interfeysini istifadə edir. Ancaq bəzi bölgələrdə MIUI 14 ilə buraxılacaq.
Redmi Note 12 Pro və Redmi Note 12 Pro+ modelləri də uyğun olaraq Dimensity 1080 çipsetlərindən güc alan 22101316G və 22101316UG model nömrəli cihazlardırlar. Hər 3 model barədə Çin təqdimatı zamanı ətraflı məlumat vermişdik. Ona görə də detalları bir-bir sadalamaq istəmirik. Aşağıdakı keçiddən Redmi Note 12 seriyasının Çin təqdimatına nəzər yetirə bilərsiniz. Smartfonların qlobal bazar təqdimatının isə növbəti ilin ilk 3 ayı ərzində baş tutacağı gözlənilir. Smartfonlar artıq sertifikatlaşdırıldığından, gözləniləndən daha tez olmaqla dekabr ayının sonları doğru da bazara çıxarıldığı ilə qarşılaşmaq olar.
