Çin smartfon istehsalçıları arasında sürətli enerji doldurma rəqabəti davam edir. Belə ki, indi Realme şirkəti 300 Vt sürətli şarj texnologiyası üzərində işlədiyini bizlərə elan edib. Ümumiyyətlə günümüzdə əksər istifadəçilər sürətli şarj texnologiyalarına çox maraqlı olmasa da, sürətlər tədricən artmağa davam edir. Apple şirkətinin iPhone 15 seriyası hələ 27 Vt şarj sürətinə sahib olarkən, Android tərəfində bu göstərici 240 Vt-a qədər çatıb.
Ümumiyyətlə, Android smartfon istehsalçıları smartfonlarının şarj xüsusiyyətini marketinq strategiyasında ön plana çıxarmaq üçün hər il getdikcə artırır. İndi isə Realme şirkəti 300 Vt sürətli şarj texnologiyası hazırlamaqla hələ smartfon təqdim etməmiş bütün diqqətləri öz üzərinə cəlb etməyi bacarıb. Realme Qlobal Marketinq Meneceri Francis Wong TheTechChap-a verdiyi müsahibədə “şirkət hazırda 300 Vt doldurma texnologiyasını sınaqdan keçirir” deyib. Wong hələ 300 Vt texnologiyası üçün təfərrüatları elan etməyib. Bununla belə, keçən il təqdim edilən Realme GT Neo 5, 10 dəqiqədən az müddətdə tam enerji doldurmağı təklif edən 240W şarj cihazı ilə təqdim edilmişdi. Bu isə öz növbəsində bütün diqqəti Realme GT Neo 6 modelinə doğruldur.
Bundan əlavə, Realme bu sahədə qabaqcıl olsa da, Redmi hazırda smartfonlar üçün 300 Vt enerji doldurma texnologiyasını nümayiş etdirən yeganə markadır. Belə ki, bu texnologiya sayəsində smartfonların 0-50%-dən üç dəqiqədən az vaxta doldurulacağı, beş dəqiqədən az müddətdə isə tam doldurulacağı bildirilib. Sürətli enerji doldurma xüsusilə daim hərəkətdə olan istifadəçilər üçün vacib olsa da, həddindən artıq isinmə və batareyanın sağlamlığı kimi sualları bərabərində gətirir. Buna görə də aydındır ki, 300 Vt daha böyük və daha səmərəli soyutma həlləri tələb edəcək. Bu isə öz növbəsində smartfonun qiymətini artıra bilər.
