Telly, Pluto TV qurucu ortağı İlya Pozin tərəfindən qurulan şirkət, dəbli televiziya modelini xaricdə pulsuz paylayacaq. Bu televizorun diqqət mərkəzində əsas ekranın altında yerləşdirilmiş Smart Display adlı ikinci ekrandır. Bu ekranda TV-nin pulsuz təqdim edilməsinə imkan verən gəlir mənbəyi olan reklamlar, həmçinin statistik məlumatlar, hava məlumatları və ya vacib xəbərlər göstərilir. İki ekranlı istifadəyə görə normal televizorlardan xeyli böyük olan model TellyOS adlı əməliyyat sistemi üzərində qurulub.. Bu əməliyyat sistemi əsas ehtiyaclar üçün kifayətdir, lakin Netflix və ya Disney+ kimi üçüncü tərəf xidmətləri hhələ ki, dəstəkləmir. Buna görə şirkət televizorun yanında pulsuz Android TV əsaslanan Xiaomi Mi TV Stick tipli bənzər cihaz da hədiyyə edir. Bu 4K dəstəkli USB qoşulmuş məhsulla ağıllı xüsusiyyətlər qazanan televizora 55 düymlük HDR dəstəkli 4K panel daxildir.
İlk iki ekranlı televizor modeli olduğu deyilən model, iki ekran arasında güclü səs paneli yerləşdirir. Maraqlıdır ki, divardan asmaq məcburiyyətində olmayan model videozənglər üçün iki ekran arasında HD kamera daşıyır və özü ilə daxili mikrofonlar və səslə idarəetmə dəstəyi gətirir. Üç fərqli HDMI və iki fərqli USB portu olan modeldə peyk qəbuledicisi də var. Reklamları həddən artıq narahat edəcək şəkildə dizayn etməyən, ancaq zaman-zaman reklam göstərmək üçün əsas ekrandan istifadə edəcəklərini bildirən şirkət, bəzi oyunların və musiqinin də TV daxilində təqdim ediləcəyini bildirir. Açıqlamaya görə, Telly ilk mərhələdə 500.000 pulsuz televizor təqdim edəcək, indi qeydiyyatdan keçənlər televizorlarını yayda alacaqlar. Təbii ki, sistemin nə dərəcədə uğurlu olacağını zaman göstərəcək.
