Bleeping Computer -ın hesabatına görə, təhlükəsizlik tədqiqatçıları App Store tətbiqində boşluqdan yararlanaraq reklam fırıldaqçılığı ilə məşğul olan 10 proqram aşkar ediblər. Saxta tətbiqlər qanuni tətbiqləri təqlid edərək və iPhone istifadəçilərinə çoxlu reklamlar təqdim etməklə gəlir əldə etmək üçün nəzərdə tutulublar. Üstəlik bu tətbiqlərin tövsiyə etdiyi reklamların da əsası zərərli tətbiqlərdən ibartə olub.
HUMAN şirkətinin Satori Threat Intelligence komandası tərəfindən kəşf edilən mobil proqramlar onların Scylla adlandırdıqları reklam fırıldaqçılığı kampaniyasının bir hissəsidir. Bu, ilk dəfə 2019-cu ilin avqustunda aşkar edilmiş və Apple şirkətinin mübarizə apardığı fırıldaqçılıq əməliyyatının üçüncü dalğasıdır. Tətbiqlər artıq App Store-da yoxdur Apple tətbiqləri silib, lakin sizdə aşağıdakı proqramlar quraşdırılıbsa onları özünüz silməlisiniz:
- Loot the Castle – com.loot.rcastle.fight.battle (id1602634568)
- Run Bridge – com.run.bridge.race (id1584737005)
- Shinning Gun – com.shinning.gun.ios (id1588037078)
- Racing Legend 3D – com.racing.legend.like (id1589579456)
- Rope Runner – com.rope.runner.family (id1614987707)
- Wood Sculptor – com.wood.sculptor.cutter (id1603211466)
- Fire-Wall – com.fire.wall.poptit (id1540542924)
- Ninja Critical Hit – wger.ninjacriticalhit.ios (id1514055403)
- Tony Runs – com.TonyRuns.game
Reklam fırıldaqçılığı edən proqramlar nəşr adına uyğun gəlməyən paket identifikatorundan istifadə edərək, reklamçılara təəssüratların daha yaxşı proqram təminatı kateqoriyasına aid olduğunu göstərir. iOS əməliyyat sistemi App Store tətbiqində 10 proqram tapıldığı halda, oxşar reklam saxtakarlığı Google Play Store tətbiqində də müşahidə edilib. Play Store üçün “Scylla” axtarışı davam etsə də artıq 70-dən çox tətbiqin aşkarlandığı bildirilir. Ümumilikdə bu tip Adware proqramlarının ilk növbədə batareya ömrünü qısaltdığı və mobil məlumat trafikin normadan artıq işlətdiyi bildirilir. Həmçinin şəxsi məlumatlarınıza daxil olmaq potensialına da malikdirlər.
Təhlükəsizlik tədqiqatçıları təklif edir ki, smartfon istifadəçiləri reklamlardan fırıldaqçılıqla istifadə edən proqramları aşkar etmək üçün batareyanın sürətli boşalması və internet trafikinin normadan artıq istifadəsinə diqqət yetirməlidirlər. Şübhəli tərtibatçıların proqramlarını quraşdırmaqdan çəkinmək də yaxşı fikirdir. Düşüncələrinizi şərhdə bizimlə paylaşmağı unutmayın!
