Sony bu ilin sonuna qədər uzun müddətdir gözlənilən PS5 Pro konsolunu buraxmağı planlaşdırır. Hətta, oyun tərtibatçıları oyunlar üzərində işləməyə başlayıblar. Ötən həftələrdə Sony PlayStation 5 Pro modelinin xüsusiyyətləri və təqdimat tarixi ilə bağlı bəzi hesabatlar ortaya çıxmışdı. İndi isə bu məlumatın müxtəlif mənbələr tərəfindən təsdiqləndiyi bildirilir. Beləliklə, Trinity kod adlı PlayStation 5 Pro modeli bu ilin sonuna doğru bazara daha güclü GPU və bir qədər sürətli CPU ilə çıxacaq.
Sony şirkətinin yeni oyun konsolunda həyata keçirdiyi bütün təkmilləşdirmələr artıq şüa izləmə texnologiyasını dəstəkləyən oyunları daha yaxşı idarə edə bilməyə və müəyyən oyunlarda da FPS göstəricisinin artmasına imkan verəcək. Qeyd edək ki, şirkətin tərtibatçıları PS5 Pro ilə şüa izləmə kimi qrafik xüsusiyyətlərindən daha çox istifadə etməyə təşviq etdiyi bildirilir. Performans tərəfindəki yeni məlumatlar əslində əvvəlki hesabatları təsdiqləyir. Buna görə də, PS5 Pro üçün hazırkı PlayStation 5 ilə müqayisədə GPU tərəfində təxminən 45 faizlik performans artımı gözlənilir.
Bundan əlavə yeni PlayStation 5 Pro modelinin xüsusiyyətləri arasında daha böyük qrafik prosessoru yer alır. Bu isə şirkətin əsas diqqəti yönəltdiyi şüa izləmə texnologiyasından istifadə etməyə imkan verir. Hətta, Sony-nin PS5 Pro-da daha güclü şüa izləmə arxitekturasından istifadə etdiyi və bu baxımdan PS5-dən üç dəfəyə qədər yaxşı olduğu bildirilir. Qeyd edək ki, CPU ümumiyyətlə PS5 ilə eyni olaraq qalacaq. Lakin Sony tərtibatçılara daha yüksək saat sürətinə imkan verən yeni rejim təklif edəcək. PS5 Pro-nun yeni CPU rejimi 10% daha artaraq 3,85 GHz sürətini dəstəkləyəcək. Həmçinin, standart PS5 yaddaşı 448 GB/s sürətlə işləyir, lakin Sony bunu PS5 Pro-da 28% artıraraq 576 GB/s-ə çatdırır. Son olaraq qeyd edək ki, Sony PS5 Pro-nun təqdimat tarixi ilə bağlı dəqiq tarix qeyd edilməsə də, onun 2024-cü ilin yayında təqdim edilməsi gözlənilir.
