Həmişə RGB işıqlara sahib örtülmüş böyük bir dəbdəbəli kompüterə ehtiyacınız olmur. Bəzən kiçik, kompakt bir gövdəyə lazımi xüsusiyyətlərin toplandığı cihazlar daha cəlb edici olur. Məsələn, elə işlətdiyiniz smartfonlarınız buna ən yaxşı nümunələrdəndir. PIX NII isə gördüyümüz ən kiçik və ən yüngül mini kompüterlərdən biridir. Hansı ki, bu cihaz istər qiyməti, istər gündəlik tələb olunan işləri görmək üçün bir çoxlarının sevəcəyi maraqlı bir konseptə malikdir. Əgər iş yerinizdə monitor varsa və ekranla bağlı probleminiz yoxdursa sadəcə bu cihaz sizə kömək ola biləcək.
Kompüter 3.3GHz tezliyə qədər yüksələn Intel Pentium Silver N6005 prosessoru ilə təchiz edilib. 2022-ci ildə istehsal olunan bu prosessor sadə işlər üçün pis deyil. Məsələn, bu kompüter 4K təsvir ölçülü 60FPS görüntüləri monitora rahatlıqla ötürəcək qədər gücə sahib olacaq.Wi-Fi 6 və Bluetooth 5.2 bağlantısını dəstəkləyir. Daxilində isə bir ədəd pərli soyutma sistemi istifadə olunur.
PIX NII-nin ölçüsü cəmi 6,9 x 6,6 x 4,8 sm və çəkisi sadəcə 160 q təşkil edir. Yəni çox yüngül və balaca olan bu mini-kompüter rahatlıqla çantada və.s daşına bilər. PIX NII o qədər kiçikdir ki, başda da qeyd etdiyimiz kimi ovucunuzun içinə rahatlıqla sığır. Bir şeyi də qeyd edək ki, bütün modellər yaddaş və operativ yaddaş xaricində eyni texniki xüsusiyyətlərə malikdirlər.
Seçdiyimiz modeldən asılı olaraq, PIX NII modelini 155 avrodan 243 avroya qədər olan qiymət aralığında əldə edə biləcəyik. Birinci variantı 8 GB RAM və 512 GB SSD-ə, ikincisi variantı 16 GB RAM və 1 TB SSD-yə malikdir. Bir problem var ki, pixcore firması hal-hazırda bu kompüterin seriya istehsalına hazırlaşmaq üçün investisiya dövrünü başladıb və sifarişlərin bu ilin sonunda göndəriləcəyi bildirilir.
Bağlantıya gəldikdə isə iki HDMI çıxışı, səs üçün 3.5 mm qulaqlıq girişi, Gigabit Ethernet, USB Type-C portu və üç USB 3.2 Type-A portuna malikdir. Cihaz bu ilin sonunda satışa buraxılacaq. Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u ziyarət etməyi unutmayın. Siz bu kompüter barədə nələr fikirləşirsiniz? Bu modeli alardınızmı? Fikirlərinizi bizimlə bölüşməyi unutmayın!
