Uzun müddətdir samsung istifadəçiləri UI 6.0 interfeysinin təqdim edilməsini gözləyir. Ötən gün şirkət səhvən One UI 6.0 beta interfeysinin dizaynı ilə bağlı paylaşım edib və dərhal silib. Xatırladaq ki, daha əvvəl Samsung brendinin yaxın aylarda təqdim edəcəyi Galaxy S23 FE modelinin ilk One UI 6.0 interfeysli smartfon olacağı barədə xəbər vermişdik. Hələ Galaxy S23 FE modeli təqdim edilməsə də Samsung yeni interfeysin beta versiyası ilə bağlı paylaşım etmişdi. Maraqlısı budur ki, paylaşılan görüntüdəki dizayn Color OS interfeysinə çox bənzəyir.
Qeyd edək ki, Samsung şirkətinin Almaniyadakı şöbəsi, rəsmi internet saytlarında One UI 6.0 interfeysinin dizaynı ilə bağlı paylaşım edib. Belə ki, bu paylaşım interfeysin beta sınaq testlərinin başladığı barədə xəbər verirdi. Lakin bu paylaşım qısa müddət sonra saytdan silindi. Lakin artıq paylaşılan görüntü bütün internetdə yayılıb. Diqqət çəkən məqam isə interfeysin Oppo brendinin ColorOS interfeysinə çox bənzəməsi olub. Ümumiyyətlə yeni interfeysin beta testi Almaniyadan əlavə olaraq yaxın günlərdə Cənubi Koreya və ABŞ-da başlayacaq.
Paylaşılan görüntüyə əsasən deyə bilərik ki, yeni interfeys sələfi ilə müqayisədə daha minimalist dizayna sahib olacaq. Həmçinin yeni interfeysdə sağ küncdən sürüşdürmə edərək fotoşəkilləri saxlamaq və sürətli parametrləri işə salmaq imkanı yaradılıb. Bundan əlavə interfeysin bir çox fərdiləşdirmə seçimlərinə sahib olacağı iddia olunur. Ümumiyyətlə Samsung yeni interfeysdə həm dizayn, həm də fərdiləşmə cəhətdən bir çox yeniliklər edəcək.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
