Ada Lovelace kod adı altında hazırlanmış RTX 40 seriyalı qrafik kartlarının bəzi xüsusiyyətləri Twitter-də sızdırılıb. Kopite7kimi ləqəbli insayder tərəfindən verilən məlumatlar mining edənləri narahat edə bilər. İstifadəçinin verdiyi məlumata görə, RTX 40 seriyalı qrafik kartları əvvəlki nəsillə müqayisədə 50-100W daha çox enerji sərf edəcək. Nəticədə qrafik kartların ümumi enerji istehlakı təxminən 800 Vt-a çata bilər .
Qrafik kartının limitlərində təxminən 800vt gücünə çatması gözlənilən AD102(RTX 4090), bu günə qədər ən yüksək enerji sərf edən qrafik kartı olaraq bazara girməyə hazırlaşır. Kopite7kimi, seriyanın digər məhsulları və mobil versiyaları haqqında da məlumat paylaşıb.
RTX 40 seriyasının maksimum güc limitləri
- AD102 ( RTX 4090 ) – 800vt
- AD103( RTX 4080 ) – 450vt
- AD104( RTX 4070 ) – 400vt
- AD106 ( RTX 4060 ) – 260vt
İnsayderin sızdırdığı məlumata görə RTX 4080 və RTX 4070-in mobil versiyaları maksimum 175vt gücündə olacaq. Hal-hazırda sənayedəki əksər enerji avadanlıqları qrafik kartını 800vt enerji ilə təmin edəcək qədər uyğun deyil. Bununla belə, bu problem hər portda 600vt səviyyəsinə çata bilən yeni PCIe 5.0 bağlantısı ilə aradan qaldırıla bilər.
Bugünkü məlumatlarda daha maraqlı açıqlamalardan biri “Ada Lovelace” arxitekturalı mobil GPU-larına aiddir. Heç bir Nvidia noutbuk partnyoru 175Vt-dan çox gücə malik qrafik kartları istəmir. Ona görə də bu statistika ən yaxşı RTX 40 mobil GPU-larını birləşdirir. Masaüstü və noutbukların güc məhdudiyyətləri arasındakı böyük fərqlər, gələcək nəsildə platformalar arasında performans uçurumununu daha da genişləndirəcək.
Qeyd etmək lazımdır ki, bu enerji istehlakı səviyyələrinə maksimum performans zamanı çatılır. Bir çox standart istifadəçi qrafik kartının ömrü boyu bu güc səviyyələrinə çatdırmır. Kopite7kimi, 800W yüksək enerji istehlak dəyərinə çatmaq üçün həddindən artıq yüklənmə və güclü soyutma sistemlərini birləşdirməyin lazım olduğunu ifadə edir.
Keçən həftə sızan məlumata görə RTX 40 seriyalı qrafik kartlarının 2022-ci ilin son rübündə buraxılacağı gözlənilsə də Kopite7kimi-in Twitter-də izləyicisinə cavab olaraq yazdığı mesaja görə təqdimat iyulun ortalarında keçirilə bilər. RTX 4090-ın 2022-ci ilin sentyabrında buraxılacağı güman edilir. Bəs siz bu haqqda nə fikirləşirsiniz? Fikirlərinizi qeyd etməyi unutmayın.
