PlayStation Slim seriyası, adətən bir PlayStation modeli çıxdıqdan bir müddət sonra təqdim edilir. Nisbətən kompaktlaşdırılmış, daha sakit işləyən və az enerji sərf edən variant kimi qarşımıza çıxarılır. Lakin ildən ilə oyun konsollarının daha yüksək performans tələb etməsi Slim seriyasının təqdim edilməsini çətinləşdirir. Kiçik gövdəyə böyük qida bloku yerləşdirmək, effektiv soyutma sistemləri quraşdırmaq olmadığından normal PlayStation ilə Slim versiya arasında performans fərqinin stabil saxlanılması çətinləşir. DIY Perks, Sony-dən sürətli davranaraq öz üsulları ilə PlayStation 5 oyun konsolunu PlayStation 5 Slim variantına çevirib. İlk baxışdan oyun konsolu balaca və nazik görünsə də arxa planda konsol üçün böyük bir sistem qurulub.
PlayStation 5 Slim-in hazırlanmasında DIY Perks nələr edib?
Orijinal Sony PlayStation 5 oyun konsolu 390 x 260 x 104/92mm ölçüləri ilə onu indiyə qədər ən çıxmış böyük konsoldur. DIY Slim YouTube kanalından Matt, PlayStation 5 oyun konsolunu sökərək 20mm qalınlıqda yeni bir gövdə üzərində yenidən yığıb. PlayStation 5 detallarına parçalandıqdan sonra ana lövhəsi yeni gövdə daxilində xüsusi maye soyutma texnologiyası ilə birləşdirilib. Tək gövdənin nəzərdə tutulduğu kimi hazırlanmasının dəyəri PlayStation 5 konsolundan daha baha başa gəlib. Gövdə tamamilə misdən hazırlanıb.
İlk abzasda qeyd etdiyimiz kimi, oyun konsolu ilk baxışdan balaca və kompakt görünür. Lakin arxa tərəfdə özündən böyük qurğulara sahibdir. Normalda PlayStation 5 orijinal vəziyyətdə 12V/31A güc qurğusundan istifadə edir. Matt, su soyutması sistemini də bəsləmək üçün 750vt HP DP5-750RB A qida bloku quraşdırılıb. Belə ki, bu qida bloku 12V/62.5A güc verə bilir.
Matt, hazırladığı Slim variantını termal testlərdən də keçirdib. Normal PlayStation 5 ilə müqayisədə su soyutma sistemi ilə təchiz edilən bu konsoda prosessor 13%, yaddaş qurğusu 45%, VRM (xətti gərginlik tənzimləyicisi) 38% daha az isinib.
Sony çox gecikdirmədən PlayStation 5 Slim konsolunu tanıdacaq. Normal PlayStation 5 konsolundan daha zərif olsa da, Matt tərəfindən hazırlanmış bu konsol qədər kiçik qətiyyən ola bilməz. Eyni zamanda PlayStation 5 ilə müqayisədə daha ucuz olması gözlənilir.
Əgər oyun oynamağı sevirsinizsə, bir-birindən güclü oyun notbukları və aksesuarları üçün Gamenote-u da ziyarət etməyi məsləhət görərdik.
