Aktiv səs-küyün nəzarəti ilə qulaqlıqlar arzuolunmaz səsləri tənzimləmək üçün faydalı bir yoldur, lakin əvəzinə arzuolunmaz səsləri mənbəsindən susdurmaq istəsəniz necə olar? Məsələn, siz vacib telefon zəngi edirsiniz, gecə işinizlə bağlı danışmalı olursunuz və ya oyun oynayarkən təhqiramiz ifadələr səsləndirirsiniz. Bunu aradan qaldırmaq üçün Panasonic şirkətinə məxsus olduğu bildirilən Shiftall brendi mutalk adlı cihaz hazırlayıb.
Dizaynı ilə o qədər mükəmməl görünməyən yeni mutalk adlı bu cihaz miniatür bir virtual reallıq cihazlarına və ya sadomazoxizm aksesuarına bənzəyir, lakin mühəndislər ilkin mərhələdə cihaza ən yaxşı dizaynı bu cür verə biliblər. Başa bağlanan və istifadəçinin gözlərini örtən virtual reallıq eynəklərindən fərqli olaraq bu aparatı istifadəçi maska kimi başına keçirir. Mutalk modelinin içərisində istifadəçinin səsini qəbul edərək onu smartfon və ya oyun konsolu kimi digər cihazlara simsiz ötürən mikrofon, Bluetooth yerləşdirilib. Digər simsiz mikrofonlardan fərqi ondadır ki, mutalk yüksək tezlikli səslərin intensivliyini minimum 30% azaltmağı bacardığı üçün istifadəçinin ağzından çıxan səslərin hamısını və ya ən əksəriyyətini tutub özündə saxlayır.
Bunun absurd göründüyünü inkar etmək olmaz, amma biri ilə şəxsi telefon danışığı etmək istəyirsinizsə və bunun üçün özəl bir yer tapa bilmirsinizsə, cihaz sizin üçün faydalı ola bilər. Cihaz taxıldığını avtomatik olaraq müəyyən etməyi və Bluetooth vasitəsilə müdaxiləsiz işə başlamağı bacarır.
İlkin olaraq mutalk bu ilin əvvəlində VR təcrübələrini yaxşılaşdırmaq üçün hazırlanmış digər aksessuarlarla birlikdə ortaya çıxdı. Hələ rəsmi olaraq mövcud olmasa da təxminən 140 dollara satılacağı gözlənilir. Düşüncələrinizi rəylərdə bizimlə bölüşə bilərsiniz.
