Planşetlər satışa çıxarılmamışdan əvvəl insanlar smartfon işlədirdilər. Lakin planşetlərdən sonra istifadəsinə görə insanların bəziləri planşet bəzilərdə telefon işlətməyə başladılar. Daha sonra Samsung kimi şirkətlər həm telefon və həmdə planşeti bir arada etmək üçün qatlana bilən telefon istehaslına başladılar. Samsung şirkətinin qatlana bilən telefonlarından sonra demək olar ki, bir çox şirkətlərdə bu yolu izləməyə başladı. Elə bir neçə gün əvvəl Google şirkəti də ilk dəfə öz qatlana bilən telefon modelini istifadəçilərə təqdim etdi. İndi də qatlana bilən telefon bazarında səs çıxarmağı bacaran Motorola, yeni telefonu Razr 40 Ultra üçün hazırlıqlarını davam etdirir. Nəhayət, Razr 40 Ultra modelinin rəng seçimlərini və dizaynını göstərən bir sıra şəkillər paylaşıldı.
Yeni paylaşılan şəkillər Motorola Razr 40 Ultra modelinin 3 rənglə satışa çıxacağını bizlərə açıqca göstərir. Bu rənglər qara, mavi və tünd qırmızı rənglərdir. Cihazın arxasına baxdığımızda 3,5 düymlük nəhəng qapaq ekranı bizi qarşılayır. Burada bir LED flaş və iki sensor var. Səs və güc düymələri sağ çərçivədə yerləşir. Cari məlumatlara görə, Razr 40 Ultra daxili hissədə 144 Hz yeniləmə tezliyi ilə 6,7 düymlük Full HD + OLED ekran quraşdırılacaq.
Ehtimal ki, Snapdragon 8+ Gen 1 çipsetindən güc alacaq telefon 8 GB RAM, 33 vatt sürətli şarj dəstəyi ilə 3640 mAs batareya və Android 13 əməliyyat sistemi ilə təchiz olunacaq. Motorola Razr 40 Ultra gələn iyul ayında 1200 avrodan başlayan qiymətlərlə satışa çıxarılacağı gözlənilir. Cihazla bağlı bütün detalların yaxın həftələrdə paylaşılacağını düşünürük.
