Texnologiya nəhənglərindən olan Microsoft, uzun müddətdir ki, Bing axtarış sistemini təkmilləşdirir. Google-dan sonra ən çox istifadə olunan axtarış sistemi hesab olunana Bing artıq daha çox istifadə oluncaq. Belə ki, Microsoft şirkətinin Mozilla ilə bağladığı müqaviləyə əsasən Bing axtarış sistemi Firefoxda standart axtarış sistemi olacaq. Xatırladaq ki, indiyə qədər Firefox-da standart axtarış sistemi məhz Google idi. Lakin Google və Mozilla arasındakı müqavilə artıq ilin sonunda bitirdi. Məhz bu səbəbdən də Mozilla şirkəti Microsoft ilə əməkdaşlığa başlayır.
Ümumiyyətlə Microsoft şirkəti Bing axtarış sisteminə çox əhəmiyyət verir. Belə ki, texnologiya nəhəngi axtarış sistemini daim təkmilləşdirir. Hətta Bing axtarış sisteminə süni intellektin inteqrasiya edilməsi şirkətə böyük istifadəçi kütləsi qazandırmışdı. Qeyd edək ki, süni intellekt inteqrasiya edildikdən sonra Bing axtarış sisteminin aktiv istifadəçi sayı 100 milyona çata bilib. Bu rəqəm Microsoft şirkətinin Mozilla ilə Bing axtarış sistemi ilə bağladığı müqavilədən sonra daha da arta bilər. Bu müqavilə ilə Microsoft bir daha sübut edir ki, Google şirkəti ilə rəqabət aparır. Belə ki, şirkət məhz Bing axtarış sisteminin Google sisteminin yerinə keçməsini hədəfləyir.
Qeyd edək ki, Microsoft şirkəti Mozilla şirkətindən sonra Bing axtarış sistemi ilə bağlı digər şirkətlər ilə də müqavilə imzalamağı planlayır. Belə ki, Apple cihazlarındakı Safari-nin Google ilə müqaviləsi gələn il başa çatır. Güman edilir ki, Microsoft məhz Safari şirkəti ilə də razılıq əldə etməyə çalışacaq. Əgər bu razılıq əldə edilərsə Bing istifadəçilərinin sayı əhəmiyyətli dərəcədə artacaq.
