Google şirkətinin ilk qatlana bilən smartfonu Google Pixel Fold və Pixel 7a modellərini dünən Google I/O konfransı zamanı təqdim etdi. İlk növbədə Pixel Fold barədə danışsaq cihaz Samsung şirkətinin Z Fold seriyasından fərqlənən kompakt dizayn faktoru ilə debüt edir. Pixel Fold ümumi dizayn baxımında isə Pixel 7 Pro ilə olduqca bənzərdir. Kamera ön tərəfdə qalın çərçivələrin altında yerləşdirilib. Qatlana bilən ekranın görünən qırışını minimuma endirmək üçün yeni göz damlası konfiqurasiyaslı qatlama mexanizmindən istifadə edilib. Lakin o qədər də effektiv deyil və qırışlar müşahidə olunur. Cihaz isə ara boşluğu olmadan tam qatlanmağı bacarır.
Pixel Fold modelinə 2092×1080 təsvir ölçülü 5,8 düymlük 120Hz OLED xarici ekran və 2208×1840 təsvir ölçülü 7,6 düymlük OLED qatlanan panel quraşdırılıb. Cihaz Tensor G2 çipseti ilə təchiz edilib. Kamera tərəfində isə 1/2 düymlük 48MP əsas , 10.8MP 5 qat optik yaxınlaşdırma edən telefoto kamera, 121.1 dərəcə bucağı olan 10.8MP ultra-geniş kamera quraşdırılıb. 9.5MP f/2.2 xarici selfi kamerasına, həmçinin 8 MP f/2.0 daxili selfi kamerasına sahibdir. Cihaz 4821 mAs batareyaya malikdir ki, bu da rəqiblərindən yaxşıdır. Həm naqilli 30 vatt, həm də naqilsiz şarjı dəstəkləyir.
Pixel Fold Amerikada 1799 dollardan başlayan qiymət etiketi ilə satışa çıxarılacaq. 512 GB variantı 1919 dollara başa gələcək. O, Obsidian və Porselen rənglərində təklif olunacaq. Öncədən sifariş verənlər 349 dollar dəyərində pulsuz Google Pixel Watch əldə edəcəklər. Qeyd edək ki, Pixel Fold yalnız ABŞ, Böyük Britaniya, Almaniya və Yaponiyada satılacaq. Cihazın isə çox da uğurlu olmadığını söyləmək mümkündür. Kompaktlığı və.s baxımından ideal olsa da xüsusilə daxili ekrandakı nəhəng çərçivələrin növbəti nəsillərdə incəldilməsini gözləmək xeyli zaman alacaq. Çox təəssüf ki, ekran çərçivələrinin qalınlığı Pixel 7a üçün də məyus edən detallar arasındadır.
Belə ki, cihaz öz seqmentində potensial Galaxy A54 rəqibi kimi çıxış edir. 6,1 düymlük OLED ekran panelinə sahibdir və hələ də 90Hz görüntü yeniləmə tezliyini dəstəkləyir. Ekran təcrübəsi baxımından istifadəçilərin ən bəyənməyəcəyi şey isə bunlar deyil. Gorilla Glass 3 ilə qorunan bu ekran elə Galaxy A54 modelindəki kimi qalın ekran çərçivələri daşıyır. Bunun da səbəbi ekran panelinin sələf model olan Pixel 6a ilə uyğunluq kəs etməsidir.
1/1.73 düymlük 64MP əsas kamerasının yanında 1 ədəd 13MP ultra geniş bucaqlı kamera sensoru quraşdırılıb. Ön tərəfdə isə 12MP selfi kamerası mövcuddur. Metal gövdəsi daxilində 4385 mAs batareya işlədilib və 18 vatt sürətli şarj dəstəkləyir.
Cihazın ən rəqabətcil olduğu tərəf isə performansdır. Çünki, Google şirkəti bu cihazı da Tensor G2 ilə təklif edir. Uyğun olaraq bu cihaz orta seqmentdəki bəzi rəqiblərindən xeyli yüksək nəticə göstərir. Google şirkəti isə cihazlarına uyğun olaraq 5 il Android yeniləməsi dəstəyi vəd edir. Bu modelin də qiyməti 500 dollardan başlayır.
