Keçən aylarda Google Pixel 7 ailəsini anons etmişdi. May ayında sızdırılan qatlanan Pixel modelinin isə o vaxtdan hazırlıq mərhələsinə daxil olduğu məlum idi. Müxtəlif mənbələrin verdiyi məlumata əsasən, Pixel Fold modeli artıq çox uzaqda deyil. Eyni zamanda Pixel 7 seriyasında istifadə edilən yeni nəsil Google Tensor çipseti barədə bəzi detallar ortaya çıxıb. Bəs Google Pixel Fold və yeni Google Tensor barədə detallar nələrdir?
Samsung qatlanan smartfon bazarında lider olsa da, Google şirkətinin yeni Pixel Fold şərti adlı modeli də diqqət mərkəzindədir. Yeni Pixel 7 və Pixel 7 Pro modellərini yaxın həftələrdə geniş təqdimat tədbiri çərçivəsində detallı göstərəcək və satışa çıxaracaq şirkət, əlavə olaraq qatlana bilən modelini də təqdim etməlidir. Cihazın varlığı qısa bir müddət əvvəl Google Camera proqramının qaynaq kodlarında görünüb. Çindən gələn yeni məlumatlar isə Pixel Fold və ya Pixel Notepad adlı modelin artıq seriya istehsalına girdiyini ortaya qoyur. Hətta istehsalın Apple-ın əməkdaşlıq etdiyi məşhur Foxconn müəssisələri tərəfindən həyata keçirildiyi iddia edilir.
Üfüqi şəkildə qatlana bilən Google modelinin dizayn baxımından Oppo Find N-ə bənzəyəcəyi deyilir. Yəni Galaxy Z Fold seriyası kimi uzun ekran olmayacağı düşünülür. Eyni zamanda verilən məlumatlara görən cihazın xarici ekranı 5,85 düym təşkil edir. Bu ölçü isə qatlanan smartfonun xeyli kompakt olacağını təsdiq edir. Google Pixel Fold-un 2 ədəd kamera sensoru ilə təchiz edildiyi bildirilir. Pixel 5 modelində istifadə edilən kamera parametrləri bu cihaza birə-bir köçürülüb. 12.2MP təsvir ölçülü əsas, 16MP təsvir ölçülü ultra-geniş bucaqlı kamera smartfonda istifadə olunmalıdır.
Pixel Fold modelində istifadə edilən çipset barədə dəqiq bir məlumat olmasa da Pixel 7 seriyasında ikinci nəsil Google Tensor çipseti işlədiləcək. Bu çipsetin Galaxy S22 seriyasındakı Exynos 2200 ilə müəyyən texniki bənzərliklər təşkil edəcəyi bildirilir. Birinci nəsil Google Tensor çipsetində Google şirkəti Samsung mühəndisliyinə geniş yer verdiyi kimi, bu modeldə də Samsung texnologiyalarının istifadəsi davam edəcək. Samsung əsaslı 4nm istehsal prosesinə sahib Google Tensor 2 çipsetinə, Exynos 5300 5G modemi quraşdırılacaq. Çipsetin digər CPU və GPU xüsusiyyətləri isə hələlik məlum deyil.
Bildirilir ki, Google həmçinin Pixel 7 Pro modelindan daha güclü olan Pixel 7 Ultra adlı flaqman üzərində də işləyir, lakin cihazın bazara çıxarılıb-çıxarılmayacağı naməlumdur. Pixel 7 Ultra modelinin 2K ekran və Sony IMX787 sensoru və 50MP GN1 ilə test edildiyi sızdırılan məlumatlar arasındadır. Bu mövzuda düşüncələrinizi bizimlə paylaşmağı unutmayın!
