Bu gün smartfon dünyasında müəyyən standartlar pozulmasa da, fərqli bir şey axtaranlara yönəlmiş nadir layihələrə hələ də rast gəlmək mümkündür. Belə ki, Minimal Phone xüsusilə müasir dövrdə sensor ekranların gözlərinə zərər verdiyini düşünənlər üçün xüsusi e-mürəkkəb ilə satışa çıxarılır.
Qeyd edək ki, yeni Minimal Phone 4.3 düymlük qara və ağ e-mürəkkəb ekrana malikdir. Bu ekran kitab və məqalə oxumaq kimi funksiyalar üçün ideal olsa da, aşağı yeniləmə sürətinə görə video izləmək və ya oyun oynamaq kimi ssenarilərdə gözləntilərə cavab verməyə bilər. Habelə, telefon MediaTek Helio G99 çipseti ilə işləyir və 6 GB RAM və 128 GB yaddaşa malikdir. Android 14 əməliyyat sistemi və Google Play dəstəyi ilə tətbiqdən istifadədə heç bir problem yoxdur. Smartfonun 16MP arxa kamera və əlavə olaraq satın ala biləcəyiniz 5MP ön kamerası var.
Ümumilikdə isə 18 Vt simli və 15 Vt simsiz şarj dəstəkləyən Minimal Phone 3000 mAH batareya həcminə sahibdir. Hansı ki, bu batareya ilə smartfonu günlərlə istifadə etmək olur. Telefon BlackBerry dövründən xatırladığımız kimi 35 düyməli QWERTY klaviaturasına malikdir. Klaviatura, 0,15 mm səyahət məsafəsi və vibrasiya rəyi ilə səmərəli təcrübə təklif edir. Smartfonun digər xüsusiyyətləri arasında isə USB Type-C portu, 4G, Wi-Fi 5, Bluetooth 5.2 aiddir. Qiymət tərəfində isə bizi 399 dollarlıq qiymət etiketi qarşılayacaq.
