Meta-nın CEO-su Mark Zuckerberq şirkətdaxili iclaslarda verdiyi açıqlamaların davamlı olaraq sızdırılmasından şikayətlənib. Amma ironik olaraq, bu şikayət də internetə sızdırılması ilə dərhal viral hala gəlib. İstehzanı anlayan Meta-nın təhlükəsizlik müdiri sərt açıqlama verərək, məlumat sızdıran hər kəsin işdən çıxarılacağı barədə xəbərdarlıq edib. Beləliklə, Meta şirkəti son dövrlərdə şirkət daxili mesajların, hətta Zuckerberg-in şikayətinin də sızdırıldığı sızıntı böhranı daxilindədir.
Keçən cümə axşamı keçirilən Meta ümumi yığıncağında Zuckerberg, son sızmalara görə indi daha az şəffaf olacağını bildirib. İşçilər üçün edilən bəzi dəyişikliklərlə yanaşı, iclaslarda riskli sualların buraxıldığı, şərh bölməsinin bağlandığı, səsverməyə əsaslanan sual sırasının silindiyi aşkarlanıb. “Biz həqiqətən açıq olmağa çalışırıq və sonra dediyim hər şey sızır” deyə Zuckerberg açıqlama verib. Bütün bu hadisələrdən sonra isə Meta-nın təhlükəsizlik müdiri Guy Rosen, şirkət işçilərinə sərt xəbərdarlıq göndərib. Sızdırılan bir məktubda, o, şirkət daxili məlumatları ötürən hər kəsin işdən çıxarılacağını açıqlayıb. O, hətta bəzi əməkdaşların əvvəllər həssas sənədləri sızdırdıqlarına görə işdən çıxarıldığını bildirib. Lakin bu hədələyici bəyanat da öz taleyindən qaça bilməyib və sızdırılıb.
Zuckerberqin ABŞ prezidenti Donald Trampla son yaxınlaşmasının Meta ilə bağlı sızma dalğasına səbəb olduğu düşünülür. Dekabrda Meta Trampın andiçmə fonduna 1 milyon dollar bağışlamışdı. Bu, şirkətin son on ildə saxladığı neytral mövqedən kəskin dönüşü göstərir. Bununla belə, Meta 2021-ci ildə Konqresə hücumu təşviq etdiyi üçün Trampa platformadan qadağa qoyub. Lakin 2024-cü ilin oktyabr ayından etibarən Tramp Zukerberqlə münasibətlərinin “daha yaxşı” olduğunu bəyan edib. Bu yaxınlaşmadan sonra Metanın bağlı qapılar arxasındakı hərəkətləri daha az gizli qalmağa başlayıb.
