Bu ilin sentyabr ayında çıxarılacaq iPhone 15, iPhone 15 Plus, iPhone 15 Pro və iPhone 15 Ultra adlı dörd fərqli telefonla bağlı xəbərlər mütəmadi gəlir. Belə ki, istər qarşıdan gələn iPhone 15 seriyası, istər iPhone 14 seriyası üçün istehsala birbaşa Foxconn şirkəti cavabdehdir. Bir müddət korona virusa görə bağlanan Çinin məşhur istehsalat müəssisəsi olduqca maraqlı bir mövzu ilə gündəmə gəlib. Şirkət daxilində iPhone istehsalına cavabdeh olan Michael Chiang Apple şirkətinin istehsal xətti üzərində çox bezdirici davrandığını bildirən rəhbər, şirkəti Android istehsalçılarla müqayisədə “qınayıb”.
Michael Chiang tərəfindən qeyd edilənə görə normal bir Android istehsalçıya 100 işçi yetərkən, iPhone üçün təqribi 1200 işçi ayırmalı oluruq
Foxconn şirkəti daxilində smartfonları istehsal edən onlarla istehsal xətti mövcuddur. Hər bir istehsal xəttində isə əksər hallarda insan əməyi ilə toplama ucuz başa gəldiyi üçün birbaşa əllə toplama üsulundan yararlanılır. Michael Chiang tərəfindən bildirilir ki, bu istehsal xətlərində Apple şirkəti Android istehsalçılar ilə müqayisədə daha çox işçi istəyir. Səbəb isə Apple şirkətinin keyfiyyət standartlarıdır.
Apple şirkəti iPhone modellərinin hər bir detalının xırdalıqla təkrar-təkrar yoxlanılaraq istehsaldan çıxmasını tələb edir. İstifadə olunan elementlər nə qədər əvvəlcədən təyinatı üzrə gətirilib təyinatına görə toplansa da Apple şirkəti Android smartfonlar kimi cihazın sadəcə toplanıb hazır vəziyyətə gətirilməsini istəmir. Toplanan elementlər yenidən digər işçilər tərəfindən nəzarətdən keçirilir. Nəticədə bu proses işçiləri bezdirir, eyni zamanda Foxconn üçün bir smartfon istehsalına ayrılan vaxtı əhəmiyyətli dərəcədə artırır. Qəribə bir fakt var ki, iddialara görə eyni proses təkcə iPhone istehsalı ilə məşğul olan Foxconn müəssisələrində həyata keçirilmir. Ekran paneli istehsal edən Samsung şirkətində belə keyfiyyət səviyyəsinin yüksək olması üçün Apple bu tip öhdəliklər qarşıya qoyur.
