İddialara görə, Apple-ın qarşıdan gələn iPhone 17 seriyası texniki baxımından bəzi diqqətəlayiq yeniliklər təqdim etməyə hazırlaşır. Ən böyük dəyişikliklərdən biri odur ki, bütün modellər artıq təkmilləşdirilmiş 24MP ön kamera ilə təchiz olunacaq. Bu, xüsusilə selfi və video çəkilişlərində keyfiyyətin böyük artımı demək olacaq.
Sənaye analitiki Jeff Pu tərəfindən paylaşılan məlumata görə, iPhone 17, iPhone 17 Air, iPhone 17 Pro və iPhone 17 Pro Max modellərinin hamısında 24MP təsvir ölçülü qabaqcıl ön kamera olacaq. Hal-hazırda iPhone 16 seriyası illərdir eyni sensor əsaslanan 12MP ön kameradan istifadə edir və Apple uzun müddətdir ki, 12MP təsvir ölçüsünü dəyişdirmir. Bu da artıq son illər istifadəçilərin selfi kamerasından şikayət etməsinə səbəb olur.
Ön kameradakı təkmilləşdirmələrə əlavə olaraq, iPhone 17 Pro və iPhone 17 Pro Max modellərinin 48MP Telefoto kamera ilə gələcəyi də ifadə edilir. Hazırkı modellər 12 MP telefoto obyektivdən istifadə edir. Təsvir ölçüsü artdıqda, kameralar arasında keçidin də olduqca yüksək keyfiyyətli və bərabər dəqiqlikdə nəticələr verəcəyi nəticəsinə gəlir.
iPhone 17 seriyasının da performans baxımından əhəmiyyətli təkmilləşdirmələr alacağı gözlənilir. iPhone 17 və iPhone 17 Air modelləri Apple A19 çipindən, Pro və Pro Max modelləri isə A19 Pro çipindən istifadə edəcək. Bu yeni nəsil prosessorlar TSMC-nin N3P istehsal prosesinə əsaslanaraq həm enerji səmərəliliyi, həm də performans baxımından təkmilləşdirmələr təklif edəcək.
