Ötən aylarda Apple şirkəti yeni iPhone 15 seriyasını təqdim etmişdi. Bir çox istifadəçi bu seriyada artıq bizi 90Hz və ya 120Hz ekran panellərinin qarşılayacağını ümid etsə də, Apple dəyişiklik etməmişdi. Məhz yeni seriya təqdim edildikdə sonra isə diqqətlər iPhone 16 seriyasına yönəlmişdi. Hətta bununla bağlı bir çox müzakirələr meydana gəlmişdi. İndi isə Revegnus ləqəbli tanınmış insayder iddia edir ki, Apple hələ də iPhone 16 və 16 Plus modellərini 60Hz ekran ilə təklif edəcək. Həmçinin sadə iPhone 16 6.12 düym, iPhone 16 Plus isə 6.69 düym ekran panelinə sahib olacaq. Yəni Apple ekran ölçülərində heçbir dəyişiklik etməyəcək.
Apple yeni iPhone 16 Pro və Pro Max modellərində isə cüzi dəyişiklik edə bilər. Belə ki, texnologiya nəhəngi bu smartfonların ekranlarını müvafiq olaraq 6,27 və 6,86 düymədək artıracaq. Ümumiyyətlə Apple şirkətinin gələn il də ekran yenilənmə tezliyi cəhətdən yenilik etmək fikri yoxdur. Hətta texnologiya nəhəngi ekran ölçülərində belə iPhone 16 və 16 Plus modellərində dəyişiklik etməyi düşünmür. Lakin yenə də Apple bizlərə yeni smartfon seriyasında daha fərqli yeniliklər ilə qarşılaya bilər.
Qeyd edək ki, Apple ekran tezliyi barəsində yenilik etməyi düşünməsə də, ekran dizaynı tərəfində yenilik edə bilər. Belə ki, texnologiya nəhəngi iPhone 16 Pro modelində yeni dəlikli ekran dizaynını sınaqdan keçirir. Ümumiyyətlə Apple iPhone X seriyasında daha fərqli ekran dizaynına keçid etdikdən 4 il sonra iPhone 14 seriyasındakı dinamik ada ilə gündəmə gəlmişdi. Hətta bir çox analitik dinamik adanın yeni seriyada ləğv ediləcəyini və ya daha da kiçildiləcəyini iddia etmişdi. Apple bu yeniliyi iPhone 15 seriyası ilə bizlərə təqdim etməsə də, gələn il daha fərqli yeniliklər etməyə hazırlaşır.
