Dünyanın ən çox istifadə edilən sosial media şəbəkələrindən biri olmağa davam edən Instagram, son 7 gündəki Hekayələri bir araya gətirəcək bir funksiya hazırlayır. Alessandro Paluzzi adlı insayderə görə Instagram üçün My Week adlı funksiya hazırlanır. Məhz bu funksiya sayəsində istifadəçilər son 7 gündə yəni 1 həftədə paylaşdıqları hekayələri bir araya gətirə biləcək. Qeyd edək ki, bu funksiya artıq şirkətin beta kodlarına əlavə edilib. İstifadəçilər istənilə vaxt bu funksiya ilə istənilən hekayəni silə və ya My Week bölməsinə xüsusi hekayə əlavə edə biləcəklər.
Hələlik hərkəs üçün nə vaxt əlçatan olacağı məlum olmayan bu infrastruktur profillərdə göstəriləcək və istifadəçilərin istəyinə bağlı olacaq. Xatırladaq ki, bu yaxınlarda tətbiqə yeni foto filtrləri əlavə edilmişdi. Ümumilikdə 25-dən çox yeni filtr hazırlayan şirkət insanları bu baxımdan qane etməyi bacarmışdı. İndi isə Instagram istifadəçilər üçün Hekayələri bir araya gətirəcək yeni funksiya ilə platformadan istifadəni asanlaşdıracaq. Əslində Instagram artıq bir neçə müddətdir ki, istifadəçilərin rahatlığını fikirləşir.
İndi Instagram bir çox funksiyanı sınaqdan keçirir. Hətta onlardan bəziləri artıq sınaq mərhələsini uğurla bitirib və platformaya əlavə edilib. Hazırda şirkət süni intellektlə foto və videolardan stiker yaratma xüsusiyyətini sınaqdan keçirir. Süni intellekt əsaslı funksiyalar çox yaxında platformanın əsasını təşkil edəcək. Habelə daha əvvəl də xəbər verdiyimiz kimi, Instagram süni intellekt əsaslı çatbot üzərində də çalışır. Məhz bu xəbəri də bizə məşhur insayder Alessandro Paluzzi çatdırmışdı.
