Artıq iPhone 15 seriyasının, o cümlədən yeni Apple məhsullarının təqdim edilməsinə günlər qalıb. Təqdimat tarixi yaxınlaşdıqca yeni model barədə iddialar dəqiqləşir. Bu dəfə isə məlum olub ki, iPhone 15 modelləri digər brendlərin USB-C kabellərini məhdudlaşdıracaq, hətta bunun üçün xüsusi çipə sahibdir. Görünür Apple USB-C qərarından sonra öz aksesuarlarının satılmamasından narahatdır. Məhz bunun üçün də şirkət bu mövzunun üzərində ciddi şəkildə durur. Hətta Apple o qədər ciddidir ki, yeni modellərinə USB-C kabellərinin originallığını yoxlayan çip belə yerləşdirəcək.
Bildiyimiz kimi, Avropa Birliyi tərəfində qəbul edilən qərardan sonra, Apple o cümlədən digər texnologiya brendləri öz məhsullarını USB-C portu ilə təchiz etməyə məcbur olmuşdu. Lakin bu qərar Apple üçün daha qorxunc fəsadlara yol aça bilərdi. Çünki digər brendlərdən fərqli olaraq Apple öz gəlirlərini həm məhsul, həm də aksesuar satışından əldə edirdi. Hətta bu sahədə şirkət monopoliya belə qurmuşdu. Lakin yeni qərar ilə şirkətin monopoliyası alt-üst ola bilərdi. Bunun qarşısını almaq üçün iPhone 15 modelləri digər brendlərin USB-C kabellərini məhdudlaşdıracaq və bu məqsədlə xüsusi çipsetə sahib olacaq. Belə ki, bu çipset 3LD3 adlanır. Hətta onun görüntüsü sosial şəbəkədə ortaya çıxıb.
Majin Bu adlı insayder, iPhone 15 modellərində 3LD3 adlanan xüsusi çipsetin quraşdırılacağından xəbər verib. Hətta paylaşılan görüntüdəki, çipset məhz iPhone 15 Plus modelinə məxsus olub. Ümumi olaraq qeyd edək ki, apple digər brendlərin kabellərini məhdudlaşdıracaq. Yəni istifadəçilər original olmayan kabeldən istifadə edərsə, smartfonları daha gec şarj olacaq və daha gec data transferi edəcək.
