Apple şirkətini hər birimiz müxtəlif qəribəlikləri ilə tanıyırıq. Əgər bir şeyi etmək istəyirsə, olduqca keyfiyyətli formada etməyi bacaran şirkətdən söhbət gedir. Lakin söhbət məcburiyyətdən gedirsə, bu şirkətin məcburiyyətdən heç sevmədiyini xüsusilə vurğulamaq lazımdır. Belə ki, Avropa Birliyinin Type-C məcburiyyətindən yəqin ki, çoxlarınızın xəbəri var. Avropa Birliyinin yenilənmiş qanunları çərçivəsində bütün texnoloji avdanlıqlar mütləq şəkildə Type-C girişi ilə təchiz edilməlidirlər. 4 oktyabrda Strasburqda baş tutan Avropa Birliyi Baş Assambleyasının keçdirdiyi sessiyasında qanun inanılmaz dərəcədə yüksək səs çoxluğu ilə təsdiqlənən bu qərara qarşı Apple şirkəti çox qəribə bir addımla cavab verəcək. iPhone 15 seriyası ilə Type-C girişinə məcburiyyəti Type-C girişi quraşdırmaqla ödəyən şirkət, öz qanunları ilə də MFi məcburiyyəti gətirir.
MFİ məcburiyyəti, adətən Avropa Birliyinin qərarını “puç edə” biləcək səviyyədə ciddi addımdır!
MFİ məcburiyyətinin mənasını böyük bir ehtimalla heç biriniz bilmirsiniz. Hərfi açılışı Made for iPhone olan bu standart, smartfonların Android üçün olan kabellərlə şarj olmasını bloklaya bilər. Texniki olaraq Avropa Birliyinin qərarlarına uyğun davranan şirkət qanundakı boşluqdan çox məharətlə istifadə etmiş olacaq. Çünki, Type-C girişi smartfonlarda mövcud olsa belə istifadəçilər eyni lightning kabelləri kimi məhz iPhone üçün olan kabelləri almalı olacaqlar. Əks halda ətrafdakı Type-C kabelləri yenə yararsız olacaq.
Bu barədə məlumat Çinin məşhur təchizatçı analitiklərindən “Mobile Phone Expert” bloqu tərəfindən paylaşılıb. Hal-hazırda olduqca böyük səs doğuran bu yenilik ilə birlikdə, iPhone 15 seriyası üçün şarj adapteri və Type-C kabelləri də hazırlıq mərhələsindədir.
