Son günlərdə texnologiya həvəskarlarını ən çox maraqlandıran sualın cavabı məlum olub. Belə ki, uzunmüddətdir gözlənilən yeni flaqman iPhone 15 seriyasının təqdimat tarixi ortaya çıxıb. Hər il olduğu kimi bu il də Apple sentyabr ayında yeni flaqman smartfon seriyasını, ağıllı saat seriyasını və digər yeniliklərini təqdim edəcək. Lakin indiyə qədər təqdimat tarixi barədə məlumat yox idi. İndi isə məlum olub ki, apple şirkəti 13 sentyabr tarixində çərşənbə axşamı günü yeni cihazlarını təqdim etməyi planlaşdırır. Ümumiyyətlə Apple indiyədək öz cihazlarını çərşənbə axşamı keçirilən tədbirlərdə təqdim edib. Ötən il bu tədbir 7 sentyabrda baş tutmuşdu.
İndi isə iPhone 15 seriyasının təqdimat tarixi ötən ildən fərqlənir. Qeyd edək ki, yeni modellərin ilkin sifarişləri təqdimatdan sadəcə 2 gün sonra əlçatan olsa da, smartfonların yalnız 22 sentyabr tarixində satışa çıxarılacağı gözlənilir. Qeyd edək ki, apple bu il iPhone 15 seriyası ilə birlikdə 2 yeni Apple Watch modeli də təqdim edəcək. Hələlik yeni Watch modelləri barədə çox məlumat olmasa da, Apple şirkətinin 2 yeni Watch modelini də S9 çipseti ilə təchiz ediləcəyi və yüksək performansa sahib olacağı gözlənilir. Həmçinin Apple yeni Watch Ultra modelini qara rəngdə təqdim edəcək. Artıq Apple microLED ekranlı Watch Ultra modeli üzərində də işləyir. Bu texnologiyanın əvvəlcə 2024, daha sonra isə 2026-cı ildə satışa çıxarılacağı məlum olub. Yəni yeni təqdim ediləcək iPhone və Apple Watch modelləri OLED ekranlara sahib olmağa davam edəcək.
Ümumiyyətlə yeni təqdim ediləcək iPhone 15 seriyalı smartfonlar gözləniləndən daha baha ola bilər. Çünki, Apple iPhone 15 Pro seriyasını titan korpus ilə təchiz edəcək. Bu isə qiymətdə 200 dollar artım ilə müşahidə olunacaq. Maraqlısı budur ki, iPhone 15 seriyasının daha baha qiymətə təklif edilməsi Apple brendinin bu ilki gəlirlərini artıracaq. Məşhur analitik şirkətin bazar dəyərinin 3 trilyon dollardan 3.5-4 trilyon dollara qədər artacağını da proqnozlaşdırıb.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
