ABB Innovasiya Mərkəzi startaplar vasitəsilə yeni texnoloji ideyalar, məhsullar, həllər və xidmətlərin tətbiqi hesabına bankın rəqəmsal və onlayn xidmətlərini inkişaf etdirən açıq innovasiya proqramıdır. ABB-nin strategiyasına uyğun olaraq, İnnovasiya Mərkəzi yeni texnologiyaların tətbiqi hesabına Kiçik və Orta Sahibkarlıq, eləcə də pərakəndə bankçılıq istiqamətlərinin genişləndirilməsini nəzərdə tutur. Belə ki, həyata keçirilən rəqəmsal transformasiya istiqamətlərini dəstəkləyən və inkişaf etdirən 4-cü İnkubasiya proqramına qeydiyyat start götürür.
Əgər sizin də innovativ, qlobala hədəflənən ideyanız və onu həyata keçirmək üçün güclü komandanız varsa proqrama müraciət edə bilrəsiniz. 12 həftəlik İnkubasiya proqramı müddətində seçilmiş startaplar,
– beynəlxalq təcrübəli mentor dəstəyi;
– sahə ekspertləri ilə əməkdaşlıq;
– investorlara çıxış imkanı;
– ödənişsiz ofis dəstəyi;
– və ABB İnnovasiya Mərkəzinin təqdim etdiyi digər imkanlardan yararlanmaq fürsəti qazanacaqlar. Həmçinin startaplar ABB kimi nüfuzlu və dayanıqlı maliyyə institutu ilə əməkdaşlıq etmək imkanı əldə edəcəklər. Son müraciət tarixi 21 Avqust, saat 23:59-dur. Daha ətraflı məlumat və müraciət üçün linkə keçid edin: https://abbinnovation.az/az/incubation
