Artıq iPhone 15 seriyasının USB-C girişi ilə təchiz ediləcəyi dəqiqləşib. Hətta ötən günlərdə yeni smartfonların şarj sürəti də ortaya çıxmışdı. İndi isə yeni iPhone 15 seriyası üçün Apple brendinin fərqli rənglərdə USB-C kabeli hazırlayacağı məlum olub. Bildiyimiz kimi, Apple həm iPhone həm də şarj kabeli və cihazı satmaqla gəlir əldə edirdi. Lakin USB-C qərarı şirkətin bütün planlarını pozmuşdu. Görünən odur ki, Apple digər brendlərin USB-C kabellərinə qoyduğu məhdudiyyəltərdən əlavə fərqli kabellər də təklif edəcək.
Fərqli rənglərdə USB-C kabelləri təklif edən Apple digər brendlərdən fərqlənmək istəyir. Bir çox iPhone istifadəçisi digər brendlərə və çinli istehsalçılara məxsus daha sağlam kabellər əldə edirdi. İndi isə Apple iPhone 15 seriyası ilə bir neçə yenilik etməyi planlayır. Şirkətin yeni planlarından biri məhz parça hörgülü fərqli rənglərdə olan kabellər hazırlamaqdır. Bu barədə X platformasında Majin adlı istifadəçi məlumat verib. Lakin hələlik məlumatın dəqiqliyi təsdiqlənməyib. Bununla belə Apple cihazlarını sınaqdan keçirən Kosutami bildirib ki, fərqli rənglərdə olam bu kabellər iPhone modellərinin rəglərinə uyğun olaraq iPhone 15 və iPhone 15 Plus ilə birlikdə təklif olunacaq.
Qeyd edək ki, qara rəngli kabel istisna olmaqla digər rənglərdə olan bütün kabellərin hər iki ucunda ağ rəngli plastik qabıq var. Bundan əlavə kabellərdə gərginliyi azaldan texnologiyalar da mövcuddur. Həmçinin mənbəyə görə Apple ən azı ağ, qaraq, sarı, bənövşəyi və narıncı rənglərdə kabel hazırlayıb. Çox güman ki, narıncı rəngdə olan bu kabel iPhone XR modelinin Coral rəngli variantı üçündür.
