Infinix dünyaya ilk dəfə olaraq All-Round FastCharge 2.0 və HyperSpeed Lab texnologiyalarını təqdim etdi.
Gənc istifadəçilər üçün yaradılan populyar Infinix texnologiya brendi daha bir yeni məhsul xəttinin, NOTE 40 seriyasının təqdim edildiyini böyük sevinc hissi ilə elan etdi. Bu möhtəşəm seriyaya NOTE 40, NOTE 40 Pro modelləri daxildir.
Infinix yeni sürətli şarj standartını tətbiq edərək, All-Round HyperSpeed Lab universal laboratoriyasını nümayiş etdirir və yeni innovativ məhsullarını 18 mart tarixində, sürətlə texnologiyaların birləşdiyi məkanda, Malayziyada beynəlxalq Sepanq trasında keçirilmiş Formula-1-də təqdim etdi.
Infinix yeni NOTE 40 seriyasında 100W Çoxsürətli FastCharge, simsiz MagCharge, eləcə də öz məhsulu olan, çoxfunksiyalı şarj rejimlərini dəstəkləyən çip kimi innovativ yenikliklərini tətbiq edərək All-Round FastCharge 2.0 texnologiyası ilə sürətlə və uğurla inkişaf etdiyini bir daha sübut etdi.
Seriya 120Hz parlaq və həssas əyri 3D AMOLED ekran və Optik görüntü sabitləşdirmə (OIS) dəstəkləyən etibarlı 108MP superzum-kamera sistemi ilə təchiz edilib.
Infinix həmçinin Active Halo işıqlandırması kimi süni intellekt təkmilləşdirməsini tətbiq edib*, JBL şirkəti ilə tərəfdaşlığı nəticəsində ortaya çıxardığı misilsiz səs performansı və yüksək səmərəlilik səviyyəsi göstəricilərinə nail olub.
“Infinix NOTE 40 seriyası, enerji istifadəsində yeni yanaşma tətbiq etməklə şarj texnologiyasında əhəmiyyətli dərəcədə müvəffəqiyyət əldə edib. Yaratdığımız Cheetah X1 çipi sayəsində All-Round FastCharge texnologiyası Çoxsürətli şarj və Ekstremal temperaturda şarj kimi funksiyalar təqdim edərək yeni bir dövrə qədəm qoydu. İstifadəçiləri düşünərək, biz kəsintisiz şarj ekosistemi təmin edən qabaqçıl MagCharge aksesuar dəstini də təqdim etdik. Bu təkmilləşdirmələr NOTE 40 seriyasının bütün potensialını ortaya qoyur və istifadəçiləri gün ərzində, hər yerdə və istənilən hava şəraitində şarjla təmin edir”, – deyə, Infinix-in məhsul üzrə direktoru Veiqi Ni vurğuladı.
Sənayedə aparıcı şarj imkanları
NOTE 40 seriyası, Infinix-a məxsus Cheetah X1 çipinə əsaslanan All-Round FastCharge 2.0 texnologiyasını tətbiq edib. Bu çip gücün yüksək dəqiqliklə təyin edilməsini təmin edir, müxtəlif sarj növlərini dəstəkləyən və gərginliyi təyin edən təhlükəsiz modulları özündə birləşdirərək effektiv şarj və digər geniş imkanlar yaradır. Seriya, 80% enerjini saxlamaqla 1600 tam dövrə hesablanan yüksək sıxlıqlı batareyalara malikdir. 20W-dək təkmilləşdirilmiş Wireless Magcharge simsiz şarj öz sinfinin göstəricilərini üstələyir.
Məhsul xəttinə aid olan rahat maqnit şarj üçün nəzərdə tutulan Infinix MagKit dəstinə Magcase telefon keysi, MagPad maqnit şarj paneli və MagPower portativ şarj cihazı daxildir. Qarlı hava şəraiti üçün ideal olan Extreme-Temp texnologiyası -20°C-dək temperaturda etibarlı şarj həllini təmin edir. Bypass Charging 2.0 texnologiyası gərgin oyun seansı və ya video izləmə zamanı enerjini birbaşa ana plataya ötürməklə, cihazın həddindən artıq qızmasının qarşısını alır. Əks şarj digər cihazlarla 10W-dək simli və ya simsiz enerji mübadiləsinə imkan verir. PD3.0 protokolu isə noutbukların telefon şarj cihazı ilə enerji toplamasını dəstəkləyir və nəticə olaraq bir neçə şarj cihazından istifadə etməyə ehtiyac qalmır.
Zərif şəhər estetikası
Pro seriyası şəhər mənzərələrinin estetikasından ilhamlanaraq yaradılıb və zəriflik, etibarlılıq bəxş edən möhkəm Corning® Gorilla® Glass şüşəsi və heyrətamiz 55° bucaqlı əyri ekranla təchiz edilib. NOTE 40 antenanı çərçivədə gizlətməyə imkan verən, bütöv MDA (cihazın metal antenası) dizayn texnologiyası ilə hazırlanmış ultra nazik çərçivəli ekrana malikdir. 120Hz AMOLED ekran 1080P ekran həlli və 1300 nit pik parlaqlığa malikdir, istənilən işıq şəraitində yaxşı görüntünü təmin edir. Ekran TÜV Rheinland tərəfindən mavi işıqdan gözləri qorumaq üçün sertifikatlaşdırılmışdır, 2160Hz yüksək tezlikli PWM Qaralma isə visual rahatlığı artırmaq üçün sayrışmaları aradan qaldırır.
Infinix-in yeni Aktiv Halo funksiyası süni intellekt və dizaynı özündə birləşdirən daha bir fərqləndirici xüsusiyyətdir. Telefonun kamera modulundakı realistik işıq pulsasiyalar NOTE 40 seriyalı smartfonları canlandırır. Ekran işığı müxtəlif aktivliklərə görə dəyişir: daxil olan zənglər və bildirişlər zamanı, oyun oynadıqda və ya musiqi dinlədikdə, şarj səviyyəsi göstərildikdə, Folax səsli köməkçisindən istifadə etdikdə.
Foto və videolarınızı yeni zirvələrə qaldırın
NOTE 40 seriyası mobil fotoqraflar və sosial media məzmunu yaradıcıları üçün genişləndirilmiş kamera imkanları təqdim edir. Smartfon qabaqcıl sensor zum texnologiyası ilə təchiz edilib, 108MP əsas kamera ilə görüntünü aydın və detallı şəkildə əks etdirərək çəkilişi 3X superzumla keyfiyyət itkisi olmadan uzaq məsafədən edir. Pro seriyası daha aydın və sabit görüntü əldə etmək üçün kamera titrəməsini azaldan OIS texnologiyasına malikdir.
İstifadəçilər İkili video rejimində eyni zamanda 32MP frontal və əsas kamera ilə çəkiliş etməklə tədbirləri və ya müsahibələri müxtəlif rakurslardan çəkə bilərlər. Cəzbedici sosial media məzmunu yaratmaq üçün Vlog clipper kimi redaktə funksiyasından da yararlanmaq olar. NOTE 40 seriyası mobil fotoqrafiya və videosüjet sahəsində imkanlarını genişləndirmək istəyən yaradıcı həvəskarlar üçün əvəzsiz vasitədir.
Ən yüksək səviyyədə mobil oyunlar
NOTE 40 seriyasında tətbiq edilən D7020 və G99 çipsetlərdə enerji səmərəliliyi və yüksək performans nümayiş etdirən qabaqcıl 6 nm texprosesindən istifadə edilib. Bu çipsetlər XOS 14-də Folax, Ask Sİ və Sİ divar kağızı generatoru kimi süni intellekt texnologiyaları ilə tamamlanaraq yaradıcılığı və performansı artırırlar.
24GB-dək genişləndirilə bilən RAM Çoxtapşırıq funksiyasını oyunçular üçün yaxşılaşdırır, vakuum kamerasındakı soyutma sistemi isə temperaturu 7°C-dək endirir. Kadrların tezliyinə XBOOST nəzarət sistemi populyar MOBA və FPS oyunlarının performansını optimallaşdırır, nəticədə yüksək kadr tezliyi ilə əla oyun nümayiş etdirir. Bundan əlavə, JBL mühəndisləri tərəfindən yüksək dəqiqliklə ayarlanmış ikili stereo dinamiklər NOTE 40 seriyasını bürüyən (immersive) səslə təmin edərək oyunu daha da maraqlı edir.
NOTE 40 seriyası Vintaj yaşılı (Vintage Green), Qara obsidian (Obsidian Black) və Titan qızılı (Titan Gold) rənglərində təqdim olunub. Infinix və BMW Group-a aid DesignWorks şirkəti ilin ortalarında hazır olacaq xüsusi Yarış versiyası (Racing Edition) üzərində çalışaraq əməkdaşlıq edirlər.
Bütün modellər Infinix XOS 14 əməliyyat sistemi ilə təchiz olunub, Pro modeli isə iki il Android ƏS yeniləməsini dəstəkləyəcək* və 36 ay müddətində təhlükəsizlik yeniləmələri ilə təmin edəcək.
Bundan əlavə, Infinix GaN 68W sürətli şarj cihazı, MagKit-ə daxil olan MagPad, MagPower və MagCase simsiz şarj aksesuarlarını, eləcə də XBuds 3 WE qulaqlıqları və XWatch 3 WE ağıllı saat da daxil olmaqla bir neçə IOT məhsulu da təqdim edib.
Bu məhsullar istifadəçilərin ehtiyaclarını qarşılayacaq All-Round FastCharge texnologiyasını təklif edir. NOTE 40 seriyasını buraxmaqla Infinix insanların hər zaman və hər yerdə həyatdan zövq almasına şərait yaradan bir sıra ekoloji cəhətdən təmiz məhsullar təqdim etdi.
