Huawei-nin ilk üç qatlanan smartfonu artıq rəsmidir. Belə ki, texnologiya nəhənginin paylaşdığı məlumatlara görə yeni Huawei Mate XT modeli bu 10 Sentyabr tarixində rəsmi olaraq təqdim ediləcək.
Huawei-nin bir müddətdir gündəmdə olan üç qatlanan smartfonu üçün artıq sadəcə bir neçə gün qalıb. Qeyd edək ki, Huawei üçə qatlanan yeni modeli barədə video paylaşaraq onun hansı adı daşıyacağını da elan edib. Beləliklə, Huawei, dünən Weibo-dakı postunda sentyabrın 10-da keçiriləcək yeni bir təqdimat tədbiri elan edib. Şirkətin bu tədbirdə ilk üç qatlanan smartfonunu təqdim edəcəyi deyilsə də, modelin xüsusiyyətləri və ya hansı seriyaya aid olacağı açıqlanmayıb.
Huawei-nin yeni paylaşılan təqdimat videosuna görə, şirkətin ilk üç qatlanan telefonu Huawei Mate XT adı ilə gəlir və 2022-ci ildə başa çatan Huawei – Porsche Design tərəfdaşlığının varisi olan Ultimate Design brendinin bir hissəsi olacaq. Paylaşılan tanıtım videosunda smartfonun yaxınlaşdırma imkanları ilə video çəkilişinə fokuslanacağını görürük, lakin hələlik heç bir detal yoxdur. Bununla belə, əvvəlki fotoşəkillər smartfonun həm içəriyə, həm də xaricə qatlanan ikili menteşəli dizayna, dairəvi kamera moduluna və çox incə profilə malik olacağını təsdiqləyirdi. Əlavə olaraq, daxili ekranın açıldıqda təxminən 10 düym olacağı və cihazın Kirin 9 seriyası platforması tərəfindən dəstəklənəcəyi gözlənilir. Qeyd edək ki, təqdimat tədbirində əlavə olaraq uzun müddətdir gözlənilən yeni Huawei Watch GT5 və Watch D2 və Aito M9 elektromobilinin yeni versiyası təqdim ediləcək.
