Huawei peyk bağlantılı qatlanan Mate X6 modelini təqdim edib!

Huawei, Çində Mate 70 seriyasından sonra səssizcə yeni qatlanan smartfon modeli Mate X6-nı təqdim edib. Belə ki, smartfon peyk bağlantısı, 50MP üçlü kamera quruluşu və Kirin 9100 çipseti kimi xüsusiyyətlər ilə diqqət cəlb etməyi bacarıb.

ABŞ-ın sanksiyalarından sonra yüksəlişini davam etdirən Huawei, məhsul müxtəlifliyini artırmaq üçün səylərini davam etdirir. Bu çərçivədə Mate 70 seriyasından sonra şirkə, bu gün etdiyi elanlara bir yenisini əlavə edib. Beləliklə, flaqman qatlana bilən Mate X6 modeli təqdim edilib. Huawei Mate X6 təkmilləşdirilmiş su damcısı menteşə dizaynı ilə gəlir. Bu menteşə raketlərdə istifadə edilən polad əsaslı materialla gücləndirilib və daha davamlı və hamar qatlama təcrübəsi təqdim edir. Bundan əlavə, IPX8 sertifikatı sayəsində suya davamlılıq təmin edir və örtük ekranı hətta su altında da işləyə bilir.

Cihazın daxili hissəsində isə 7,93 düymlük 2,440 x 2,240 piksel təsvir ölçüsü təklif edən LTPO OLED ekran mövcuddur. 1-120 Hz dəyişən yeniləmə sürəti ilə bu ekran 1800 nitə qədər parlaqlıq və 1 milyarddan çox rəng dəstəyi təklif edir. Xarici ekran ölçüçü isə 6,45 düymdür və parlaqlığı 2500 nit-ə qədərdir. Huawei Mate X6 arxa tərəfdəki dörd kamera sensoru ilə dəstəklənir. Əsas kamera Pura 70 Pro+ modelindən götürülmüş 50 MP təsvir ölçüsünə və f/1.4-f/4.0 dəyişən diyaframa malikdir. 48 MP telefoto kamera 90 mm fokus uzunluğu və 4x optik böyütmə funksiyaları təklif edir, ultra geniş bucaqlı 40 MP kamera isə avtofokus dəstəyi ilə gəlir.

Əlavə olaraq, rəng dəqiqliyini artırmaq və digər linzaların işini dəstəkləmək üçün sistemə 1,5 milyondan çox rəng qəbul edə bilən hiperspektral sensor daxil edilmişdir. Huawei prosessorla bağlı rəsmi açıqlama verməsə də, Mate X6-nın Kirin 9100 çipsetinə sahib olacağı gözlənilir. Huawei Mate X6, şirkət tərəfindən hazırlanmış tamamilə yeni nüvə üzərində qurulmuş HarmonyOS Next əməliyyat sistemi ilə təchiz edilmişdir. Bu sistemə süni intellekt tərəfindən dəstəklənən bir çox yeni funksiyalar daxildir. Onun çoxşaxəli imkanlarına videolara baxarkən qeydlər aparmaq, sənədləri cəld ümumiləşdirmək və sosial media üçün cəlbedici məzmun yaratmaq kimi unikal funksiyalar daxildir. Batareya tərəfində isə cihaz 5110 mAs və 5200 mAs batareya həcmi təklif edir və bu batareya 66 Vt simli, 50 Vt simsiz və 7,5 Vt əks simsiz şarj dəstəyinə sahibdir.