Çinli texnologiya nəhəngi Huawei, dünyada smartfonlar sahəsində lider şirkətlərdən biri olmağa davam edir. Qatlana bilən telefon istehsalında da müvəffəqiyyətli olan Huawei şirkətinin yeni cihazı Mate X3 böyük maraqla gözlənilirdi. Bu gün yeni qatlana bilən telefonla bağlı bəzi sızıntılar ortaya çıxdı. Weibo-da paylaşılan məlumatlar Mate X3 modelinin satışa çıxma tarixi haqqında məlumat verməklə yanaşı, onun peyk bağlantısı dəstəyinə də malik ola biləcəyini göstərir.
Sızmaya görə Mate X3, peyk bağlantısına sahib olacaq
Sızdırılan məlumatlara görə Mate X3 modeli, P60 seriyasından daha əvvəl təqdim ediləcək. P60 seriyasının mart ayında çıxa biləcəyi ilə bağlı şayiələr var. Bu, qatlana bilən modelin isə yanvar və fevral aylarında satışa çıxması P60 seriyasından daha əvvəl bazara çıxması deməkdir. Bundan əlavə, sızma həmçinin Huawei Mate X3 modelinin yeni nəsil peyk bağlantısı xüsusiyyəti ilə gələ biləcəyini göstərir. Bu həyat xilasedici funksiya istifadəçilərə hətta telefon açılmayanda belə peyk bağlantısı vasitəsilə mesaj göndərmək və ya qəbul etmək imkanı verəcək. Hətta səsli mesaj göndərməyin də mümkün olacağı bildirilir.
Bildiyiniz kimi peyk əlaqəsi funksiyası artıq Huawei Mate 50 modelində mövcud idi. Halbuki, həmin smartfonda yalnız mesaj göndərmək mümkün olub. Unutmayaq ki, Huawei şirkətindən başqa bu mühüm xüsusiyyəti gətirən başqa şirkətlər də var. Apple, 2022-ci ilin sentyabrında təqdim etdiyi iPhone 14 seriyasında peyk bağlantısı əlavə edərkən, Qualcomm da yaxınlarda oxşar xüsusiyyət təqdim etdi.
Mate X3 modelinin digər xüsusiyyətləri necə olacaq?
Samsung Galaxy Z Fold 4 modelinə rəqib olacağı gözlənilən Mate X3 modelinin Snapdragon 8 Gen 2 prosessoru ilə gələcəyi bildirilir Kitab kimi qatlana bilən Mate X3, Galaxy Z Fold 4 modelinə bənzəyən dizaynla gəlir. Həmçinin Huawei şirkətinin smartfonda 8 düymlük 90 Hz OLED daxili (qatlanan) və 6,45 düymlük 90 Hz OLED xarici ekranlar, 8 GB RAM, 4500 mAs (55 Vt sürətli şarj dəstəyi) batareya kimi xüsusiyyətləri təqdim edə biləcəyi bildirilir. Kamera tərəfində isə 50 MP, 16 MP, 12 MP arxa kamera və 16 MP selfi kamerası ilə qarşılaşa bilərik.
