Yeni nəsil texnoloji imkanlar olduqca çətin işləri tez və asan işlərə çevirməklə həyatımızı asanlaşdırmağa davam edir. Bu sahədə ən böyük rol süni intellektin əlindədir. Aydın məsələdir ki, süni intellekti düzgün işlədə bilən şəxslər işlərində yaxşı üstünlük əldə edirlər. Avstraliyadakı Deakin Universitetində aparılan araşdırmaya görə, hər beş tələbədən biri tapşırıqları və elmi məqalələri tamamlamaq üçün süni intellekt həllərindən yararlanır.
Xüsusilə yüksək dərəcəli təhsil alan şəxslər elmi məqalələr hazırlamaq üçün süni intellekt imkanlarından yararlanırlar
Belə ki, Deakin Universitetinin müəllimləri imtahanlar zamanı fırıldaq etməyin mümkün yollarından getdikcə daha çox narahat olmağa başlayıblar. Universitetdə müəllim işləyən Sally Brandon hər cür plagiat və fırıldaqları aşkar etmək üçün xüsusi proqram təminatından istifadə etdiklərini bildirir. Belə ki, ötən rübdə universitet daxilində analiz edilən 54 elmi işdən 10 ədədində süni intellekt tərəfindən hazırlandığını göstərən əsaslar müşahidə edilib.
Lakin mükəmməl keyfiyyətdə məzmun yarada bilən süni intellektə malik olduqca inkişaf etmiş söhbət botu ChatGPT-nin izlərini aşkar etmək xeyli çətindir. Pulsuz olması və geniş verilənlər bazası ilə çox sayda istifadəçi tərəfindən daim istifadə olunur.
ChatGPT-nin izlərini aşkarlamağın ən rahat üsulu məzmununun göstərilən yazıların müasir məlumatlara əsaslanmış olmamasıdır. Süni intellekt ən son 2021-ci ilin sentyabrına olan məlumatlardan yararlana bilir. Bundan əlavə, süni intellekt insan kimi səbəb-nəticə əlaqələrini çox yaxşı əlaqələndirə bilmir.
Yenə də xüsusi analiz həyata keçirməsəniz, fırıldaqçılığın aşkarlanması o qədər asan olmur. GPT kimi süni intellektlər tərəfinən yazıların aşkar edilməsi üçün xüsusi proqramlar da son zamanlar uğur qazanıb və daim təkmilləşdirilir. Bununla belə, ekspertlər ümid edirlər ki, bu problem hansısa tənzimləmə yolu ilə həll yaxın gələcəkdə həll ediləcək.
