HONOR brendi, gördüyümüz qeyri-adi dizaynlardan biri kimi HONOR V Purse modelini təqdim etdi. Həqiqətən çanta kimi daşınmaq üçün nəzərdə tutulan bu konsept bizlərə dizayn baxımından müəyyən qədər tanış idi. Hansı ki, daha əvvəl Vertu tərəfindən hazırlanmış Fold 3 modeli belə bir çanta dizaynını qatlanan smartfonda qarşımıza çıxarmışdı. Belə ki, HONOR brendi bu modeli ilə modasını dəyişdirə biləcəyiniz qayışlar və zəncirlər təklif edir. Bu, hələlik sadəcə bir konsept cihazdır, lakin haqqında danışa biləcəyimiz bəzi digər elementlər var.
Belə ki, HONOR V Purse modeli qlobal bazar üçün anons edilən HONOR Magic V2 ilə müqayisədə kənara doğru qatlanır və qapalı halda cəmi 9 mm qalınlığında olur. Ölçüsü onu Magic V2 və hətta bəzi bar telefonlardan da daha nazik edir. HONOR bunu “fiziki görünüşlü rəqəmsal moda” adlandırır. Şirkət smartfona taxıla bilən həqiqi qayışları canlı və interaktiv Always On Display ilə birləşdirir. Şirkət bu AOD üslublarını tərtib etmək üçün potensial istedadları komandasına cəlb edib. Belə ki, Burberry brendinin geyiminin dizayn direktoru Bram Van Diepen, müasir rəssam Yunuene Esparza, Çin Beynəlxalq İncəsənət Akademiyasının dekanı Yuan Youmin və rəssam Xiao Hui Wan ilə işləyib.
Məqsəd HONOR V Purse geyindiyiniz istənilən geyimlə birləşdirə bilmək, çanta kimi modaya olan aludəliyinizi azaltmaq, dəyişdirilə bilən qayışlar ilə smartfondan maksimum hər şeyə uyğun moda elementi kimi istifadə etməkdir.
Təəssüf ki, bu sadəcə bir konseptdir, ona görə də onu nə vaxt ala biləcəyiniz deyilmir. Bununla belə, HONOR dünya üzrə tərtibatçılara və dizaynerlərə fərdi aksesuarlar yaratmağa imkan verəcək AOD dizaynları üçün platforma açmağı planlaşdırır. Qeyd edək ki, AOD-yə istifadəçiyə və ətraf mühitə cavab verməyə imkan verən bir çox xüsusiyyət əlavə edilə bilər. Çünki AOD proqram təminatı həm toxunuşları izləyir, həm də ətrafı anlamaq üçün işıq sensoru və eyni zamanda akselerometrə çıxışı var.
Honor, kütləvi istehsal üçün nəzərdə tutulmadığı üçün cihaz haqqında ətraflı məlumat vermədi. Lakin onun 400 000 qatlama dövrünə tab gətirə bilən konsturkiya ilə yaratdığı qeyd edilib. Müasir smartfonlar artıq pul kisəsi kimi fəaliyyət göstərir, ev və avtomobil açarı kimi istifadə olunur. Ona görə əslində bu dizayn həqiqətən də çantanızda olanlar smartfonlarınıza gəldikdən sonra indi də smartfonunuz çantanıza çevrilir. Xatırladaq ki, HONOR Magic V2 modeli də bununla birlikdı qlobal bazar üçün anons edilib. Daha ətraflı məlumat almaq üçün saytımızdan keçid edə bilərsiniz.
