Honor şirkəti Çin üçün keçirdiyi təqdimat tədbiri çərçivəsində Honor Magic V2 modelini nümayiş etdirdi. Belə ki, ən nazik qatlana bilən smartfon ünvanını belə özündə birləşdirən model sələfi ilə müqayisədə bir çox vacib yeniliklər gətirir. Əvvəlcədən smartfonun hələlik yalnız Çin bazarı üçün anons edildiyini bildirməliyik, lakin növbəti aylarda qlobal bazara açılması da şirkət tərəfindən nə inkar, nə təsdiq edilmir.
İlk növbədə cihazın erqonomik imkanları haqqında danışmaq lazımdır. Sələfi Honor Magic Vs ilə müqayisədə 30 qram daha yüngül olan cihaz 231 qram ağırlığa malikdir. Eyni zamanda qalınlığı da 10 mm-dən az olduğundan tarixin ən nazik qatlana bilən smartfonu ünvanını rahatlıqla ələ alır. Smartfon açıq vəziyyətdə 4.7 mm olarkən, qatlanmış vəziyyətdə 9.9 mm təşkil edir. Müqayisə üçün Galaxy Z Fold 4 elə açıq vəziyyətdə belə 6.3 mm qalınlığındadır. Honor Magic V2 modelinin ən vacib iddiası isə ekran panelinin zamanla “qat izi” yaratması ilə bağlıdır. İddiaya görə yeni qatlanma mexanizmi 20 000 dəfə qatlanmadan sonra ekranın sadəcə 36 mikrometr deformasiya etməsinə səbəb olur.
Honor Magic V2 modelinin ekran panelləri də təkmilləşdirilib. Bu təkmilləşmə isə xarici qapaq ekranından özünü daha çox göstərir. Daxildəki 7.92 düymlük ekran sələfi ilə müqayisədə 1600 nitik (800 nit ilə müqayisədə) 120Hz tezlikli LTPO OLED əsaslı 3840Hz PWM texnologiyalı paneldən istifadə edir. Xarici ekran da bənzər parametrlərdə 6.43 düym olub, lakin 2500 nit ilə daha parlaqdır.
Kamera konfiqurasiyası baxımından Honor Magic V2 modelində OIS ilə gücləndirilmiş IMX800 50MP sensoru əsas kamera kimi işlədilir. Digər kameralarımız isə 50MP ultra-geniş bucaqlı və 20MP təsvir ölçülü 2.5 qat optik yaxınlaşdırma edə bilən sensorlara malikdir. Selfi kameralarımız isə hər iki ekran üzərində 16MP təşkil edir.
5000 mAs batareyası 66 vatt naqilli şarj dəstəyinə malikdir. Bu batareya texnologiyası isə silikon-karbon əsaslı tamamilə yeni nəsil batareya olduğundan cihazın yüksək enerji sərfiyyatı problem yaratmayacaq. Barmaq izi sensoru isə ekran üzərində yox, kilid düyməsinə inteqrasiya edilmiş şəkildədir. Normal olaraq smartfon Snapdragon 8 Gen 2 çipseti ilə təchiz edilmiş bir flaqmandır. Ona görə də birbaşa növbəti həftələrdə təqdim ediləcək Galaxy Z Fold 5 seriyası ilə rəqabətə daxil olacaq.
Honor Magic V2 modelinin qiyməti
Honor şirkəti smartfonun ən ucuz 12-256GB yaddaş variantı üçün 1254$, ən bahalı 16-1TB variantına isə 1672$ qiymət etiketi təyin edib.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
