Lenovo özünün yeni nəsil flaqman oyun noutbuku olan Legion 9i modelini təqdim edib. Belə ki, Lenovo Legion 9i modelini fərqləndirən cəhət içərisində maye soyutma sisteminin olmasıdır. Laptopda bir neçə dəfə xaricdən maye soyutma görsək də ilk dəfədir ki, daxildə maye soyutma görürük. Lenovo Legion 9i daxili maye soyutma texnologiyasından istifadə etməklə yüksək performansını sabit saxlamağı mümkün edir.
16 düymlük ölçüsü ilə Legion 9i güclü konfiqurasiyalarına baxmayaraq hələ də incə profilə malikdir. Sistemin qalınlığı cəmi 22,7 mm və çəkisi 2,56 kq-dır. Daxilində Core i9-13980HX prosessoru və üstəlik 230 vatt, baxın bir çoxlarınızın oyun notbukunun az qala ümumi enerji istehlakı qədər yüksək güclü RTX 4090 ekran kartı ilə birlikdə gəlir. Digər tərəfdən, Cooler Master ilə birlikdə hazırlanmış maye soyutma sistemi məhz bu hissədə qarşımıza çıxır. Maye soyutma sisteminin RTX4090 bu qədər yüksək enerjini özünə çəkib 84 dərəcəyə çatdıqda gücləndirilmiş soyutma texnologiyası sistemin temperaturunu stabilləşdirir.
Bütün bunlar əvvəllər gördüyümüz digər maye soyutma həllərindən tamamilə fərqli işləyir, hansı ki, Lenovo burada ciddi mühəndislik işi görərək sistemə birbaşa təsiri artırır. Lenovo-nun soyuducusu həmçinin ən çox istilik yaradan hissələrin üstündə tam olaraq 3 fan quraşdırıb. Lenovo həmçinin deyir ki, ana lövhə daha çox hava axını təmin etmək üçün ters çevrilib. Bu, klaviaturanın və toxunma panelinin niyə daha aşağı göründüyünü izah edir.
İşıqlandırma tərəfində, klaviaturaya əlavə olaraq, məhsulun bütün bazasında RGB halqası var. Ancaq ən çox diqqət çəkən şey örtükdür. Lenovo, ehtimal ki, məhsulu yüngülləşdirmək üçün burada “saxta karbon” istifadə edir. Lenovo Legion 9i-nin digər vacib detalı onun 165 Hz dəyişən yeniləmə tezliyi ilə 16 düymlük 3200 x 2000 Mini LED ekran təklif etməsidir. Bu ekran G-Sync üçün “sertifikatlıdır”. Bundan əlavə, cihaz 64 GB-a qədər DDR5-5600 RAM və 2 TB-a qədər PCIe 4.0 NVMe SSD yaddaş təklif edir. Qiyməti isə Lenovo rəsmilərinin dediyinə görə Avropada 4399 avrodan başlayacaq.
