Google şirkəti istifadəçilərinə daha yaxşı təcrübə təmin etmək üçün məşhur Cihazımı Tap funksiyasını yeniləyib. Maraqlısı budur ki, bu funksiya indi Apple şirkətinin oxşar funksiyası kimi işləyir. Beləliklə, Google yenilənmiş funksiya ilə istifadəçilərə internet olmadan belə smartfonlarını tapmağa imkan verir.
Xatırladaq ki, Apple şirkətinin Find My funksiyası da eyni struktura malikdir. Daha əvvəl yalnız internetə qoşulu olduğu halda tapmaq mümkün olan Google cihazlarını indi qapalı olduqda belə tapmaq olacaq. Yenilənmiş Cihazımı Tap funksiyası ilk növbədə Pixel 8 modellərinin internetə bağlı olmadan tapılmasını təmin edəcək. Ümumiyyətlə yenilənmiş funksiya ilə birlikdə yaxınlıqdakı digər Google cihazları sizin itkin smartfonunuzu tapmağa kömək edəcək. Məhz maraqlı olan tərəfdə burasıdır ki, bu yeniliyi daha əvvəl Apple şirkəti istifadəyə vermişdi.
Google şirkətinin özünəməxsus yeniliyi isə cihazları qapalı olduqda belə aşkar edə bilməkdir. İlk növbədə bu yenilik sadəcə flaqman Pixel 8 və Pixel 8 Pro üçün əlçatan olacaq. Google həmçinin bildirir ki, may ayından etibarən Chipolo və Pebblebee Bluetooth etiketlərindən istifadə edərək itirilmiş əşyaları tapmaq mümkün olacaq. Qeyd edək ki, bu etiketlər xüsusi olaraq Cihazımı Tap funksiyası ilə işləmək üçün yaradılmışdır.
