Dünyanın ən böyük texnologiya şirkətlərindən biri olan Apple daim yeni ideyalarının prototiplərini əldə edir. Apple şirkətinin klaviaturasız Macbook patenti və Android cihazlarında olduğu kimi tərs simsiz enerji doldurma patenti ötən aylarda ortaya çıxmışdı. Bu yaxınlarda Apple şirkətinin iPad və iPhone üçün aldığı bir patent ortaya çıxdı. Patentin özəlliyi ondan ibarətdir ki, modellər tamamilə şüşəli dizayndan isitfadə edəcək. Apple şirkəti bu gün ABŞ patent ofisinə tam şüşədən ibarət cihaz qutularına patent almaq üçün müraciət edib. Ortaya çıxan məlumatlara baxdığımızda 20 fərqli cihaz və ya yenilik üçün patent alındığını görə bilərik. Həmçinin, patent təsvirlərinə baxsaq görərik ki, bu patent əslində şüşəli dizaynlı iPhone və iPad kimi cihazlara fokuslanıb.
iPhone və iPad cihazlarının korpuslarında təkrar emal edilmiş alüminiumdan istifadə edilir. Lakin yeni patentı görə cihazların arxasındakı alüminium korpus da şüşə ilə əvəzlənir. Lakin Apple şirkətinin yeni patentində iPhone modellərinin tamamilə şüşəli gövdəyə sahib olduğunu və heç bir hissəsində metal istifadə edilmədiyini görürük.
Bununla belə, şüşədən hazırlanan cihazların düşmə və zərbələrə qarşı çox daha həssas olacağını, ən kiçik zərbədə belə sınma riskinin həddən çox olduğunu deyə bilərik. Ancaq patentdə bu cihazların dayanıqlılığı və ya cihazların düşmədən necə qorunacağı kimi detallar yoxdur. Patentdəki məlumata görə, Apple mühəndisləri çoxlu nazik şüşə təbəqələri xüsusi üsulla bir-birinə bərkidərək davamlılıqlarını artırdıqlarını göstəriblər. Təbii ki, bu proseslər üçün xüsusi şüşə növündən istifadə olunur. Həmçinin, iddialara görə Apple şirkəti 2021-ci ildən oxşar şüşəli birləşmə texnikası üzərində iPhone modellərini konseptləşdirmək üzərində işləyir.
