Samsung şirkətinin innovativ yeniliklərini və yeni modellərini təqdim edəcəyi Galaxy Unpacked 2023 tədbiri Cənubi Koreyada keçiriləcək. Qeyd edək ki, bu barədə texnologiya nəhəngi açıqlama verib. Bu il baş tutacaq texnologiya tədbirində Samsung brendinin yeni Galaxy Z Fold 5 və Z Flip 5 modellərini təqdim etməsi gözlənilən. Şirkət iki flaqman modeli ilə yanaşı yeni Galaxy Watch 6 ağıllı saatını da Cənubi Koreyada baş tutacaq tədbirdə təqdime edəcək. Xatırladaq ki, ötən günlərdə brendin yeni flaqman modellərinin render görüntüləri habelə bəzi xüsusiyyətləri sızdırılmışdı.
Qeyd edək ki, ötən günlərdə məşhur insayder Ice Universe Twıtter sosial şəbəkəsində Yeni modelin render görüntülərini paylaşmışdı. Belə ki, qovluq formasında olan ekranına görə yeni Z Flip 5 modeli böyük marağa səbəb olmuşdu. Hətta Galaxy Z Fold 5 smartfonunun tam açıldıqda 154.9 x 129.9 x 6.1 mm, qatlandıqda isə 154.9 x 67.1 x 13.4 mm ölçüsündə olacağı ortaya çıxmışdı. 254 qram ağırlığa sahib olması gözlənilən smartfonun 256 GB, 512 GB və 1 TB yaddaş ilə təklif olunacağı da ortaya çıxmışdı. Qeyd edək ki, Samsung DX Qlobal Maketinq rəhbəri Lee Young-hee bildirib ki, Galaxy Unpacked 2023 tədbiri Cənubi Koreyanın Seul şəhərində keçiriləcək. Lakin Lee tədbirin tarixi barədə heç bir məlumat verməyib.
Samsung şirkəti Galaxy Unpacked 2023 tədbirindin nə vaxt keçiriləcəyini açıqlamasa da, insayderlər bəzi iddialar irəli sürür. Belə ki, ice universe insayderi tədbirin iyulun 25, 26 və ya 27-də baş tutacağını bildirib. Həmçinin tədbirin Seul şəhərindəki COEX-də keçirilməsi gözlənilir.
