Bildiyimiz kimi Samsung Galaxy S23 ailəsi Galaxy S23, Galaxy S23 Plus və Galaxy S23 Ultra modellərindən ibarətdir. Bu gün ailənin ən güclü modeli Samsung Galaxy S23 Ultra yenidən gündəmə gəlib. Çünki, telefonun ekranında bəzi istifadəçilər olduqca qəribə bir xəta aşkarlayıblar. Aşağıdakı fotoda gördüyü kimi telefonun ekranının aşağı sağ küncündə qüsur var. İstifadəçilər bunun istehsal problemi olduğunu düşünsələr də, Samsung şirkətinin fikrincə ekran ilə bağlı narahat olacaq bir şey yoxdur.
Şirkət bunu belə izah edir: Ekrana güclü işıq ilə baxsanız, bəzi hissələr əzilmiş görünə bilər. Bunun səbəbi su və toz keçirməməsi üçün istifadə etdiyimiz sıxma prosesidir. Bu məhsul qüsuru deyil. Telefonunuzda hər şey qaydasındadır. Bu normaldır və məhsulun funksiyasına və ömrünə təsir etmir. Galaxy S23 Ultra istifadəçiləri ekran kənarlarında içdən qəribə əyrilik gördükdə bu hala çox təəsüflənməməlidirlər. Samsung Tayvanın rəsmi saytındakı xüsusi bir səhifə izah edir ki, bu normaldır. Nəticədə məhsulun funksiyasına və ömrünə təsir etmir.
Bundan əvvəl telefonun S-Pen qələmi ilə bağlı problemlər ilə də gündəmdə idi. Telefonun S Pen qələmi cihaza tərsinə də daxil ola bilirdi. Bu, uzun illər əvvəl Samsung üçün ciddi problem olduğundan şirkət artıq bu tipli səhvlərə yol vermir. S Pen-i telefona tərs yerləşdirmək yəqin ki, heç vaxt etməyəcəyiniz bir şeydir. Ancaq uşağınız bunu edə bilər. Amma artıq Samsung şirkəti bu səhvlərlə əvvəldən üzləşdiyi üçün artıq tədbirini əvvəcəldən görür. Yəni bu hal baş verəsədə telefona və ya qələmə heç bir zərər gəlmiyəcək.
