Samsung Galaxy Note seriyasının artıq tamamilə tarixin tozlu səhifələrinə qarışdığı demək olar məlumdur. Daha peşəkar Samsung təcrübəsi yaşadan Note seriyası, xüsusilə S-Pen ilə istifadəçilərin rəğbətini qazanmışdı. 2020-ci ildə Galaxy Note 20 seriyasının təqdim edilməsi ilə birlikdə firma həmin xəttin davam modelinin bazara çıxarmadı. Lakin Note seriyasının sonlanması ilə razılaşmayan Samsung həvəskarlarının təkidini və tələbi görən şirkət yeni bir yol seçdi. Həmin yol isə bildiyimiz kimi Galaxy Note seriyasının Galaxy S seriyasına inteqrasiya edilməsi idi. Galaxy S22 seriyasının ən üst nümayəndəsi olan Galaxy S22 Ultra tamamilə fərqli dizaynı, S-Pen dəstəyi ilə köhnə Galaxy Note təcrübəsini geri qaytardı. Modelə o qədər tələbat var ki, şirkət satış ədədləri cəhətdən özlüyündə bəlkə də müəyyən rekorda imza atıb desək yanılmarıq.
Məlumata görə indiyə qədər ayrı-ayrılıqda çıxmış bütün Galaxy Note 10 seriyası, Galaxy Note 20 seriyası modellərdən Galaxy S22 Ultra modeli daha çox satılıb. Bunların timsalında Samsung Electronics mobil şöbəsinin rəhbəri TM Roh Galaxy Note seriyası barədə açıqlama verib.
Galaxy Note seriyası bundan sonra Galaxy S Ultra modelində yaşayacaq!
TM Roh tərəfindən Galaxy Note seriyası barədə bəzilərinizi təəssüfləndirəcək fikirlər səsləndirilib. Rəhbərin dediklərinə görə bu ildən başladıqları Galaxy S seriyasına S-Pen əlavə edərək Ultra modeldə təqdim etmə planı növbəti illərdə də davam edəcək. Galaxy Note seriyasından sevdiyiniz bu xüsusiyyət hər il S Ultra şəklində qarşınıza çıxacaq.
Beləliklə bu fikirlər Galaxy Note seriyasının yaxın vaxtlarda qayıtmayacağını bir daha təsdiqləyir. Əslində Galaxy S22 Ultra modelinin 10.9 milyona yaxın satılması da Note seriyasının qayıtmaması üçün yaxşı səbəbdir. IceUniverse ləqəbi ilə tanınmış insayder məlumat verir ki, Galaxy Note 20 seriyası altında indiyə qədər 7.5 milyon cihaz satılıbsa təkcə Galaxy S22 Ultra modeli həmin seriyadan 3.4 milyon daha çox satıb. Uyğun olaraq Galaxy Note 8 seriyası 9.6 milyon ədəd, Galaxy Note 8 seriyası 10.3 milyon satmağı bacarmışdı. Ona görə də ayrılıqda Galaxy Note seriyasına davam etmək məntiqli görünmür. İstifadəçilər isə daha çox Galaxy S Ultra modelinin adında dəyişiklik edilərək Galaxy S Note adlandırılmasını istəyir.
