15 mart tarixində Samsung şirkəti Galaxy A34 və Galaxy A54 modellərini rəsmi olaraq qlobal bazar üçün təqdim etdi. Nəhayət bu cihazlar ötən gün ölkəmizdə bir çox yerdə satışa çıxarılmağa başlanıb. O cümlədən rəsmi mağazalar bu cihazları rəsmi olaraq təklif etməyə start götürürlər. Smartfonların rəsmi qlobal bazar təqdimatı zamanı texniki detallarını sizlərlə bölüşmüşdük. Elə məhz aşağıdakı xəbərə keçid etməklə cihazlarla bağlı ətraflı məlumat əldə edə bilərsiniz. Ona görə biz bu xəbərəmizdə texniki xüsusiyyətləri səthi olaraq xatırlayıb, cihazların daha çox qiymətlərinə nəzər yetirəcəyik. Əgər cihazlarla bağlı ətraflı məlumat və texniki xüsusiyyətlər sizin üçün maraqlıdırsa aşağıdakı xəbərmizə keçid edə bilərsiniz. Elə isə, gəlin Galaxy A54 və Galaxy A34 modellərinin Azərbaycan qiyməti ilə tanış olacağımız, xəbərə davam edək.
Baku Electronics tərəfindən açıqlanmış məlumata görə Galaxy A34 və Galaxy A54 modellərinin ilkin bazara çıxarılış qiymətləri bəllidir. Belə ki, Galaxy A34 modelinin Azərbaycan qiyməti nağd şəkildə rəsmi mağazadan almaq istəyən istifadəçi üçün 789, 99 AZN təşkil edir. Bu qiymət cihazın 6-128GB variantı üçün keçərlidir. Galaxy A54 modelinə gəldikdə isə qiymətlərin biraz yüksəldiyini görürük. 6-128GB yaddaş variantında Galaxy A54 modelinin başlanğıc səviyyəsi üçün Azərbaycan qiyməti nağd alışda 929, 99 AZN olaraq nəzərdə tutulub. Əgər siz bu cihazın 8-256GB yaddaş variantını əldə edəcəksinizsə 1069, 99 AZN ödəyəcəksiniz.
Təbii ki, qiymətlər bu xəbərimizi dərc etdikdən sonrakı günlərdə azalan templə dəyişə bilər. Eyni zamanda digər rəsmi mağazalar nisbətən daha qiymətə cihazları təklif etməklə rəqəmləri bəlkə də cüzi dəyişə bilərlər. Lakin qiymətlər baxımından Galaxy A34 və Galaxy A54 modellərinin qiyməti Azərbaycan bazarı üçün bu səviyyədədir. Galaxy A34 modeli uyğun olaraq Dimensity 1080 çipsetinə, 6.6 düymlük Super AMOLED ekrana, 48MP əsaslı üçlü kamera konfiqurasiyasına malikdir. Galaxy A54 modeli isə öz gücünü Exynos 1380 çipsetindən alıb, 6.4 düymlük Super AMOLED ekranı və 50MP əsaslı kamera konfiqurasiyası ilə fərqlənir.
