Samsung şirkəti tərəfindən bu gün rəsmi olaraq ilk dəfə Samsung Galaxy A34 və Galaxy A54 anons edildi. Bu smartfonlar da bizə əvvəlcədən məlum idi. İndiyə qədər sizlərlə bölüşdüyümüz bütün texniki xüsusiyyətlər birə-bir demək olar ki, özünü doğruldub. Ona görə də smartfonlarla bağlı ən diqqət çəkən nüans qiymətlə bağlı olub.
İlk olaraq Galaxy A54 modelindən danışsaq, Galaxy S23 seriyasını xatırladan dizayn ilə modellərin qarşımıza çıxdığı təsdiqlənir. Kamera modulları ayrı-ayrılıqda arxaya düzülür. Ön tərəfdə isə selfi kamerası “infinty-o” konsepti ilə qalmağa davam edir. Galaxy A34 modelində də eyni dizayn üslubu “infinty-u” konseptində təqdim edilir.
Galaxy A34 və A54 modelləri nə vəd edir?
Smartfon öz gücün bir neçə gün əvvəl anons edilmiş Exynos 1380 çipsetindən alacaq. Exynos 1380 çipseti 4 ədəd 2.4 GHz tezlikli Cortex-A78 nüvəsinə və 4 ədəd 2.0 GHz tezlikli Cortex-A55 nüvəsinə sahibdir. 5 nüvəli Mali-G68MP5 qrafik çipi ilə gücləndirilən bu çipset 5nm istehsal prosesinə sahibdir. Performans baxımından bu çipset ilə Galaxy A54 modeli ~510.000 xallıq nəticə göstərir.
Galaxy A34 modelində MediaTek istehsalı Dimensity 1080 çipseti işlədilib. Performans baxımından bu çipset, əslində Exynos 1380 çipseti ilə başa-baş nəticə göstərdiyindən cihazlar arasında əhəmiyyətli bir fərq yoxdur. Hətta davamlılıq cəhətdən 6nm TSMC istehsal prosesi ilə hazırlanmış Dimensity 1080 bəlkə də daha optimal ola bilər. Lakin cavabları həqiqi testlərdən sonra öyrənə biləcəyik.
Galaxy A54 modelində ekranın ölçüsü şəkillərdən də gördüyünüz kimi 0.1 düym kiçilərək 6.4 düymə düşüb. Şirkətin bunu smartfonun gövdəsini kiçildərək əldə edib. FHD+ təsvir ölçülü bu Super AMOLED ekran paneli 120Hz görüntü yeniləmə tezliyinə malikdir. Galaxy A34 modelində isə 6.6 düymlük FHD+ təsvir ölçülü Super AMOLED ekran paneli işlədilib və 120Hz tezliyə malikdir.
Galaxy A54 modelində GN seriyası OIS ilə gücləndirilmiş 50MP əsaslı kamera konfiqurasiyası işlədilib. Digər kameralarımız isə 12MP ultra-geniş bucaqlı və 5MP makro sensorları kimi nəzərdə tutulub. Galaxy A34 modeli isə 48MP əsaslı üçlü kamera konfiqurasiyası ilə gücləndirilib ki, 8MP ultra-geniş və 5MP makro kameraları ilə təchiz edilib. Selfi kameraları isə uyğun olaraq 32MP və 13MP olmaqla cihazlar arasında fərqlənir.
Hər iki cihaz 5000 mAs batareyası isə 25 vatt sürətli şarj dəstəkləməlidir. Eyni zamanda IP67 sertifikatı ilə gücləndiriliblər.
Samsung Galaxy A54 və A34 modelləri neçəyə təklif edilir?
Smartfonların Avropa qiymətlərinə gəldikdə Galaxy A54 modelinin 6-128GB variantı 490 Avrodan başlayır. Uyğun olaraq ön sifariş zamanı eyni qiymətə 8-256GB variantını da əldə edə bilərsiniz. Galaxy A34 modeli isə Galaxy A54 modelindən biraz daha ucuz olub, 6-128GB yaddaş variantı 390 Avro qiymətə təklif edilir. Azərbaycan qiymətləri isə cihazlarla bağlı ən diqqət çəkən şey olacaq. Qiymətlərin yaxın vaxtlarda anons edilməsi gözlənilir.
