Bu dəfə Realme brendi smartfon sənayesində bir ilkə imza ataraq Snapdragon 8 Gen 3 çipsetli ən ucuz smartfonu Realme GT5 Pro modelini təqdim edib. Qeyd edək ki, Realme ilk dəfə olaraq istifadəçiləri ovcundan tanıyan smartfon istehsal edib. Habelə yeni GT5 Pro modeli əl hərəkətlərinə nəzarət edərək bəzi funksiyaları da yerinə yetirə bilir. Unikal xüsusiyyətli smartfon smartfon bazarıda bütün diqqətləri ucuz qiyməti ilə cəlb etməyi bacarıb.
Yeni GT5 Pro modeli hansı xüsusiyyətlərə sahibdir?
İlk öncə smartfonun ekran xüsusiyyətlərinə nəzər salaq. Belə ki, yeni Realme GT5 Pro modeli 6.78 düymlük 1.5K təsvir ölçülü 144 Hz ekran yenilənməsinə sahib 4500 nits parlaqlıq təklif edən OLED ekran ilə təchiz edilib. Bu ekran paneli yan kənarlara doğru əyrilir və ortasında kamera dəliyi yerləşir. O cümlədən smartfon Qualcomm şirkətinin ən son təqdim etdiyi flaqman Snapdragon 8 Gen 3 çipseti ilə təchiz edilib. Hətta Snapdragon 8 Gen 3-ün güclü xüsusiyyətlərindən istifadə etmək üçün GT5 Pro dünyanın ilk 3VC Aysberq soyutma sistemini təqdim edir. Bu sistem 12.000 kvadrat millimetrlik böyük bir sahəni əhatə edir. Aparılan sınaqlarda bu sistemin 21.8 dərəcə kimi əhəmiyyətli göstəriciyə sahib olduğu ortaya çıxıb.
Qeyd etdiyimiz kimi, yeni cihaz istifadəçiləri dünyada bir ilk olaraq ovucdan tanıya bilir. O cümlədən bu funksiya ilə istifadəçilər smartfonlarının kilidini aça bilirlər. Ənənəvi ekrana toxunma üsullarından fərqli olaraq, bu innovativ xüsusiyyət istifadəçilərə ekranla fiziki əlaqə yaratmadan öz cihazlarının kilidini açmağa imkan verir.
Kamera tərəfində isə Realme GT5 Pro modeli güclü konfiqurasiya ilə cəlbedici kamera quruluşuna malik olub. Belə ki, əsas kamera 1/1,4 düymlük sensor və Optik Görüntü Sabitləşdirmə xüsusiyyətinə sahib 50 meqapiksellik Lytia LYT-808 lensidir. 8MP Sony IMX890 sensoru isə ultra geniş bucaqlı kamera funksiyasını yerinə yetirir. Bundan əlavə smartfon 50MP periskop telefoto obyektivinə sahib olub. Ön tərəfdə isə istifadəçilər Sony IMX615 sensorlu 32MP ön kamera ilə heyrətamiz selfilər çəkə bilərlər.
Batareya tərəfində 5400mAh batareyaya sahib olan Realme GT5 Pro uzunmüddətli istifadəni təmin edir. Cihaz 100 Vatt sürətli şarj funksiyası ilə istifadəçilərin vaxtına da qənaət edir. Habelə yeni smartfon 50 Vatt simsiz şarj xüsusiyyətinə də sahibdir. Müxtəlif əl jestləri ilə istifadəçilər smartfonda bir çox funksiyanı yerinə yetirə bilr. Siz çimdikləməklə son açıq tətbiqlərə daxil ola bilərsiniz və sola və ya sağa sürüşdürərək proqramlar arasında keçid edə bilərsiniz. Baş barmağını sola çəkmək geriyə fırlanma funksiyasını yerinə yetirir.
Realme GT5 Pro qiymətləri
Smartfon bir neçə yaddaş seçiminə sahib olub. İlk olaraq 12GB + 256GB yaddaşlı versiya 478 dollar, 16GB + 256GB 520 dollar, 16GB + 512GB 563 dollar son olaraq 16GB + 1TB isə 606 dollar qiymət etiketinə sahibdir. Onu da qeyd edək ki, bu qiymətlər çin bazarı üçündür. Android 14 əsaslı Realme UI 5.0 ilə gələn smartfon 4 il təhlükəsizlik, 3 il əməliyyat sistemi yenilənməsi əldə edəcək.
