Beləliklə Samsung brendinin süni intellekt sahəsində etdiyi yeniliklər tədricən ortaya çıxır. Belə ki, indi Galaxy S24 seriyasını gücləndirəcək yeni süni intellekt modeli Galaxy AI ortaya çıxıb. Ümumiyyətlə yeni Galaxy S24 seriyasının gələn ilin əvvəlində daha dəqiq desək 17 yanvar tarixində təqdim edilməsi gözlənilir. Samsung isə təqdimat tədbirinə günlər qalan yeni Galaxy AI modeli barədə məlumat verib. Hətta texnologiya nəhəngi CES 2024-ün rəsmi açılışından bir gün əvvəl 8 Dekabr tarixində Galaxy AI modeli ilə süni intellekt bacarıqlarını elan edəcək.
“Hərkəs üçün süni zəka” adı verilən tədbirdə, əsas mövzu Galaxy S24 seriyasında istifadə ediləcək Galaxy AI süni intellekt modelinin bacarıqları olacaq. O cümlədən tədbirdə süni intellekt haqqında ümumi müzakirələr aparılacaq. Samsung smartfonlar barəsində məlumat verməsə də Ice Universe mənbəsi bəzi süni intellekt xüsusiyyətlərinin Galaxy S24 seriyasında istifadə olunacağını iddia edib. Maraqlısı budur ki, bir müddət əvvəl Samsung AI Phone və AI smartphone markalarını qeydiyyatdan keçirmişdi. Hətta bu adın məhz Galaxy S24 seriyasına şamil olunduğu da qeyd edilmişdi.
Galaxy AI adı əslində bizə heç də təəccüblü gəlməməlidir. Çünki samsung brendi sxemi bütün məhsullarında oxşardır. Bununla belə, model daxilində hər biri fərqli adla müxtəlif xüsusiyyətlərlə qarşılaşa bilərik. Təbii ki, bunları öyrənmək üçün Galaxy S24 seriyasının təqdim ediləcəyi yanvar ayını gözləməli olacağıq. Samsung qüsursuz təcrübə üçün süni intellekt tərəfində bəzi mühüm əmədaşlıqlar da edir.
