Texnologiya sahəsi bir neçə aylıq fasilədən sonra yenidən canlanır. Belə ki, artıq Almaniyada IFA Berlin sərgisi başlayıb. Hətta hər il olduğu kimi bu il də sərgidə yeni və xüsusi modellər təqdim edilib. Onlardan biri isə JLab şirkəti tərəfindən təqdim edilən ən kiçik naqilsiz qulaqlıqlar olan JBuds Mini qulaqlıqlarıdır. Bu gün bazarda bir çox naqilsiz qulaqlıqlar mövcuddur. Hətta onların hamsı performans və dizaynlarına görə dəyişir. İndi isə barmaqınızdan belə kiçik olan naqilsiz qulaqlıqlar təqdim edilib.
Ümumiyyətlə IFA Berlin sərgisi 1924-cü ildən bəri hər il keçirilir və burada texnologiya sahəsinin diqqət çəkən modelləri təqdim edilir. Bu il isə sərgidə ən kiçik naqilsiz qulaqlıqlar və ya digər adı ilə JBuds mini qulaqlıqları təqdim edilib. Xatırladaq ki, JLabs ötən il ən yaxşı 10 qulaqlıq markasında biri olub. Maraqlıdır ki, JLab yeni qulaqlıqlarını çox kiçik etsə də, performas cəhətdən böyük vəddlər verir. Bu gün satışa çıxarılan JBuds Mini qulaqlıqlarının qutusuz çəkisi 3.3 qramdır, şarj qutusu isə ayrılıqda 18.5 qram çəkiyə malikdir. Bundan əlavə qulaqlıqlar 6 nm dinamik sürücülərə sahibdir. Həmçinin kiçik həcmli qulaqlıqlar səs-küyü azaldan mikrofonlara da sahibdir.
JBuds Mini dünyanın ən kiçik naqilsiz qulaqlığı olsa da, bazarda olan bir çox qulaqlıqdan daha batareya ömrü təklif edir. Belə ki, qulaqlıq tək şarjda 5.5 saat, şarj qutusu ilə birlikdə 20 saat istifadə imkanı təklif edir. Bundan əlavə qulaqlıqlar sensorlara sahibdir, hansı ki, bunlarla telefon zənglərinə cavab vermək, musiqini dayandırmaq və digər əmrləri yerinə yetirmək olar. Qulaqlığın ən mənfi xüsusiyyəti simsiz şarjı dəstəkləməməsidir. Lakin buna baxmayaraq JBuds Mini USB-C girişinə sahibdir. 5 fərqli rəngə sahib olan qulaqlıq 39.99$ qiymət etiketi ilə təklif edilir.
